ۇسىنىس بىلدىرگەندەردەن تاڭدالعان 14 مىڭ الاۋگەردىڭ, سونىڭ ىشىندە كالينينگراد وبلىسى بويىنشا 25 مىڭ ۇمىتكەر ىشىنەن ىرىكتەلگەن 100 تاڭداۋلىنىڭ ءبىرى بولعان قازاق جىگىتتىڭ اتى-ءجونى ادامدى وزىنە ەرىكسىز تارتا تۇسەدى. امانعالي ەرعالي ۇلى ەلەۋوۆ! قازان ايىنىڭ سوڭعى اپتاسىندا كالينينگراد وبلىسىنىڭ سۆەتلوگورسك قالاسىندا وتكەن شەرۋدە وليمپيادا الاۋىن الىپ جۇرگەندەردىڭ ءبىرى.
ۇسىنىس بىلدىرگەندەردەن تاڭدالعان 14 مىڭ الاۋگەردىڭ, سونىڭ ىشىندە كالينينگراد وبلىسى بويىنشا 25 مىڭ ۇمىتكەر ىشىنەن ىرىكتەلگەن 100 تاڭداۋلىنىڭ ءبىرى بولعان قازاق جىگىتتىڭ اتى-ءجونى ادامدى وزىنە ەرىكسىز تارتا تۇسەدى. امانعالي ەرعالي ۇلى ەلەۋوۆ! قازان ايىنىڭ سوڭعى اپتاسىندا كالينينگراد وبلىسىنىڭ سۆەتلوگورسك قالاسىندا وتكەن شەرۋدە وليمپيادا الاۋىن الىپ جۇرگەندەردىڭ ءبىرى. سويتسەك, ول اقتاۋدىڭ جىگىتى ەكەن. وسىدان بىرنەشە جىل بۇرىن وتباسىمەن – ايەلى جانە ەكى ۇلىمەن اقتاۋدان كالينينگراد قالاسىنا قونىس اۋدارىپتى. سپورتشى – اۋىر اتلەتيكادان كسرو سپورت شەبەرى, قازاق كسر چەمپيونى, بۇكىلوداقتىق جارىستاردىڭ بىرنەشە دۇركىن چەمپيونى. وسى حابار قۇلاعىنا تيىسىمەن قوڭىراۋلاتقان ماڭعىستاۋ وبلىستىق «وگني مانگيستاۋ» گازەتىنە امانعاليدىڭ ايەلى حابارلاسىپتى.
ومىرىنە سپورتتى, سالاماتتى ءومىر سالتىن سەرىك ەتكەن امانعالي ماسكەۋدەگى ۇيىمداستىرۋ كوميتەتىنە ءوز انكەتاسىن تولتىرىپ جىبەرگەن ەكەن. قاتاڭ سىننان وتكەندىگى ونىڭ كوڭىلىن ەرەكشە قۋانىشقا تولتىرىپتى. امانعالي ەرعالي ۇلىنىڭ سالەمىن جەتكىزگەن ايەلىنىڭ ايتۋىنشا, وليمپيادا الاۋىن ۇستاپ جۇگىرىپ وتەتىن جەرىنىڭ قاشىقتىعى ۇلكەن ەمەس, بىراق سول قىسقا عانا قاشىقتىقتىڭ ءوزى وعان ۇلكەن جاۋاپكەرشىلىك جۇكتەپ, قاناتتاندىرادى ەكەن. «ءبىزدىڭ, ياعني سان مىڭداعان الاۋگەرلەردىڭ جۇرەگىنىڭ كۇشى, الاقانىنىڭ جىلۋى رەسەيلىك, سونداي-اق, قازاقستاندىق سپورتشىلاردىڭ جەڭىسكە جەتۋىنە كومەكتەسەدى» دەيتىن كورىنەدى قازاق جىگىتى.
بالتىق تەڭىزى جاعالاۋىنداعى كۋرورتتى قالا سۆەتلوگورسكىدەگى الاۋگەرلەر ساپىندا امانعاليمەن بىرگە انشىلەر ولەگ گازمانوۆ پەن لادا دەنس, ءارتىس تاتيانا ارنتگولتس, اۋىر اتلەتيكادان بەيجىڭ وليمپياداسىنىڭ قولا جۇلدەگەرى دميتري لاپيكوۆ, كۇرەستەن الەم چەمپيونى الەكسەي شەماروۆ, سونداي-اق, وبلىس گۋبەرناتورى, قالا مەرى, وزگە دە تانىمال تۇلعالار بولدى. ايتۋلارىنشا, امانعالي ەلەۋوۆ سوچي وليمپياداسى الاۋگەرلەرى اراسىنداعى جالعىز قازاق بولىپتى.
الىپ ەلدە تاڭداۋلى بولعان قازاق جىگىتىنىڭ سپورت دوداسىندا جەرلەستەرىمەن بىرگە قانداستارىنىڭ تىلەگىن تىلەيتىندىگى قۋانتتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
