diapazon.kz مالىمەتىنشە, جەرگىلىكتى پوليتسيا دەپارتامەنتىنە شاعىمدانعان ازاماتشانىڭ اتىنان جالعان نەسيەنى اقتوبە قالاسىندا ورنالاسقان بانك قىزمەتكەرلەرىنىڭ ءبىرى راسىمدەگەن.
وتكەن جىلدىڭ ناۋرىز ايىندا 28 جاستاعى بانكتىڭ كرەديت جونىندەگى كەڭەسشىسى ۇيالى تەلەفون ساتاتىن دۇكەندە شاعىمدانۋشىنىڭ اتىنان «تاۋار الۋ بويىنشا» الاياقتىق ارەكەتپەن نەسيەنى راسىمدەپ جىبەرگەن. تەرگەپ-تەكسەرۋ پروتسەسىندە قىزمەتكەر كىناسىن تولىق مويىنداعان. بۇگىندە قر زاڭى «الاياقتىق» بابى بويىنشا سوتقا دەيىنگى تەرگەۋ جۇرگىزىلىپ جاتىر.
«ەگەر ءسىزدىڭ اتىڭىزعا دا وسىنداي جولمەن جالعان نەسيە راسىمدەلگەنىن بىلسەڭىز, ءبىرىنشى كەزەكتە پوليتسياعا حابارلاسۋىڭىزدى سۇرايمىن. ەكىنشى, نەسيە بەردى دەپ كورسەتىلگەن قارجى ينستيتۋتىنا ءوتىنىش جازۋ كەرەك. وندا ءسىز تاۋاردى نە قاراجاتتى الماعاندىعىڭىز تۋرالى انىقتاما بەرىپ, قىزمەتتىك تەكسەرۋ جۇرگىزۋدى سۇراڭىز», دەيدى اقتوبە وبلىستىق پوليتسيا دەپارتامەنتى باسشىسى اتىعاي ارىستانوۆ.
