ايماقتار • 11 تامىز، 2021

ەسكى كوپىر وپىرىلىپ قالدى

77 رەت كورسەتىلدى

سەمەيدە قيراماعان نە قالدى؟ جولىڭ انە، كوپىرىڭ – مىنە. اۆتوبۋستارى ول... كۇن سۋىتقاندا جىلۋدىڭ پروبلەماسى جانە باستالادى. 9 تامىزدا سەمەيدەگى ەسكى كوپىردىڭ جاياۋ جۇرگىنشىلەرگە ارنالعان بولىگى وپىرىلىپ تۇسكەن.

اياق استىنان دەيىن دەسەك، انەۋگۇنى تىرەۋى اجىراپ كەتكەن. ول تۋرالى الەۋمەتتىك جەلىدە جەرگىلىكتى جۇرت جارىسا جازىسقان. ءتىپتى فوتوسۋرەتىنە دەيىن جۇكتەگەن. الايدا جۇرتتىڭ دابىلىنا قۇلاق تۇرگەن ءبىر باسشى بولمادى. سول كەزدە كوزدەرىن شۇقىپ تۇرىپ كورسەتكەن اقاۋعا باسشىلاردىڭ ءبىرى ءمان بەرسە، بۇلايشا وپىرىلىپ جاتپاس ەدى. ابىروي بولعاندا، بالا-شاعا ءوتىپ بارا جات­قاندا قۇلاماعان. ايتپەسە، قاۋساپ تۇرعان كوپىردىڭ ۇستىنەن ادام اياعى ۇزىلمەيدى. ارى-بەرى سابىلىسقان كولىك تە كوپ. ايتپاق­شى، باياعىدا دا بەتكى جابىندىسى ويىلىپ قا­لىپ، اۆتوبۋستىڭ دوڭگەلەگى ءتۇسىپ كەتكەن ەكەن.

سەمەيدەگى قوعام بەلسەندىلەرىنىڭ ايتۋىن­شا، كوپىر 1997 جىلدان بەرى اپاتتىق جاعدايدا تۇر ەكەن. ول ۋاقىتتا وڭ جاعالاۋ مەن جاڭا سەمەيدى جالعاپ جاتقان جالعىز كوپىر-تۇعىن. كەيىن 2001 جىلى جاڭا اسپالى كوپىر ءتۇسىپ، ەسكى كوپىرگە تۇسەتىن سالماق ازايعان. دەسە دە، ەلۋ جىلعى ەسكى وتكەل ەلگە قاۋىپ توندىرمەي تۇرعان جوق.

وسى جولى كوپىر وپىرىلىپ تۇسە سالا، قالا باسشىلىعى وقيعا ورنىنا جەتكەن. كوپىردىڭ قاڭقاسى ءبۇتىن دەگەندەي پىكىر­گە كەلگەن ولار قاۋىپسىزدىك ءۇشىن كوپىردى ۋاقىت­شا جاپقان. الداعى كۇندەرى ارنايى ما­ماندار كوپىردى تولىقتاي تەكسەرىپ، ءبىر قورىتىندىعا كەلەدى. دۇرىسى، جازاتايىم جاع­داي بولماي تۇرعاندا، كۇردەلى جوندەۋ كەرەك شىعار.

 

شىعىس قازاقستان وبلىسى

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار