قازاقستان رەسپۋبليكاسى جوعارعى سوتىنىڭ توراعاسى قايرات ءمامي بۇۇ بالالار قورىنىڭ (يۋنيسەف) قازاقستان رەسپۋبليكاسىنداعى وكىلى دجۋن كۋكيتانى قابىلدادى.
قازاقستان رەسپۋبليكاسى جوعارعى سوتىنىڭ توراعاسى قايرات ءمامي بۇۇ بالالار قورىنىڭ (يۋنيسەف) قازاقستان رەسپۋبليكاسىنداعى وكىلى دجۋن كۋكيتانى قابىلدادى.
ق.ءمامي كەزدەسۋ بارىسىندا يۋنيسەف ۇيىمىنىڭ قازاقستانداعى قىزمەتىنە, اتاپ ايتقاندا استانا جانە الماتى قالالارىندا كامەلەتكە تولماعانداردىڭ ىستەرى جونىندەگى سوتتاردى قۇرۋ تۋرالى جوبالاردىڭ ءساتتى ىسكە اسىرىلعانىن جوعارى باعالاپ, ۇلتتىق يۋۆەنالدى ادىلەتتىڭ قالىپتاسۋىنا جانە دامۋىنا قولداۋ كورسەتكەنى ءۇشىن العىس ءبىلدىردى. توراعا قازاقستان تاراپىنان ءوزارا ىنتىماقتاستىقتى تەرەڭدەتۋگە قىزىعۋشىلىق تانىتىپ وتىرعاندىعىن اتاپ ءوتتى.
دج.كۋكيتا قازاقستانداعى ءوسكەلەڭ ۇرپاقتىڭ قۇقىقتارى مەن مۇددەلەرىن قورعاۋ جونىندەگى بەلسەندى جۇمىستى ەرەكشە اتاپ, يۋۆەنالدى ادىلەت سالاسىنداعى قازاقستاننىڭ بىرەگەي تاجىريبەسى تۋرالى بىرىككەن قۇجاتتار توپتاماسىن دايىنداۋدى جانە حالىقارالىق قاۋىمداستىق نازارىن اۋدارۋدى ۇسىندى.
دج.كۋكيتا قازاقستان رەسپۋبليكاسىنىڭ پرەزيدەنتى ن.ءا.نازارباەۆ قول قويعان 1994 جىلى شىلدە ايىندا راتيفيكاتسيالانعان بالا قۇقىقتارى تۋرالى كونۆەنتسياعا ۇستىمىزدەگى جىلعى اقپان ايىندا 20 جىل تولاتىنىن حابارلادى. وسىعان وراي اتاۋلى كۇنگە ارنالعان حالىقارالىق ءىس-شارا وتكىزۋ بارىسىندا يۋۆەنالدى ادىلەت سالاسىنداعى ۇلتتىق جەتىستىكتەر تۋرالى بىرىككەن قۇجاتتار توپتاماسىنىڭ تۇساۋكەسەرىن ۇيىمداستىرۋ ۇسىنىلىپ وتىر.
كەزدەسۋ بارىسىندا بىتىمگەرشىلىك, مەدياتسيا جانە ديۆەرگەنتسيا سالالارىندا ودان ءارى ءوزارا ىقپالداستىققا باعىتتالعان ماسەلەلەر كەڭىنەن تالقىلاندى, دەپ حابارلادى قر جوعارعى سوتىنىڭ ءباسپاسوز قىزمەتى.
