قازاقستان • 10 تامىز، 2021

«جۇلدىزدى جاڭبىر»: قازاقستاندىقتار پەرسەيدا مەتەور اعىنىن قايدان كورە الادى؟

74 رەت كورسەتىلدى

جىل سايىن، تامىز ايىندا جەر تۇرعىندارى اسپانداعى تاڭقالارلىق شوۋدىڭ كۋاسى بولادى: پلانەتادا «جۇلدىزدى جاڭبىر» - پەرسەيدا مەتەور اعىنى توگىلەدى. قازاقستاندىقتاردىڭ جۇلدىزداردىڭ قۇلاۋىن ءدال قاي جەردە كورە الاتىنى تۋرالى ۇلتتىق عارىشتىق زەرتتەۋلەر مەن تەحنولوگيالار ورتالىعى پرەزيدەنتىنىڭ كەڭەسشىسى الەكساندر گۋبەرت ايتىپ بەردى، دەپ حابارلايدى Egemen.kz.

پەرسيدتەر - جىل سايىن تامىز ايىندا پەرسەي شوقجۇلدىزىنان پايدا بولادى. مەتەور اعىنى جەردىڭ سۆيفت - تاتتلا كومەتاسى شىعارعان شاڭ بولشەكتەرىنىڭ ءوتۋى ناتيجەسىندە پايدا بولادى. قۇم ءدانىنىڭ ەڭ كىشكەنتاي بولشەكتەرى جەر اتموسفەراسىندا كۇيىپ، «جۇلدىزدى جاڭبىر» تۇزەدى.

اسپان شوۋىنىڭ كورەرمەنى بولۋ ءۇشىن الەكساندر گۋبەرت قالا سىرتىنا شىعۋعا كەڭەس بەرەدى.

مەتەور اعىنى ءوز بەلسەندىلىگىنە 12 تامىزدان 13 تامىزعا دەيىن جەتەدى. بۇل تۇندە اسپاندا ساعاتىنا 60-قا جۋىق جۇلدىزدى كورۋگە بولادى. بىراق جۇلدىزدى جاڭبىردى بۇلتسىز اۋا-رايىندا عانا كورۋگە بولادى. سوندىقتان، قالالىق جارىقتىڭ اسەرىنەن قالا ىشىندە تۇرعىندار بۇل قۇبىلىستى كورە المايدى. الماتىلىقتارعا قاپشاعاي نەمەسە تاۋعا بارۋدى ۇسىنار ەدىم. وندا كوبىنەسە اسپان بۇلتسىز بولادى. ادەتتە ادامدار كەلىپ، كىلەمشەلەردى جايىپ، شاتىرلار تىگىپ، «جۇلدىزدى جاڭبىردى» تاماشالاپ وتىرادى»، دەيدى الەكساندر گۋبەرت.

ساراپشى اتاپ وتكەندەي، مەتەوريت اعىنىن باقىلاۋ ءۇشىن تەلەسكوپ نەمەسە بينوكل قاجەت ەمەس.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار