قازاقستان • 10 تامىز، 2021

شقو-دا تابىلعان ارتەفاكتىلەر ۇلىبريتانيا مۇراجايىنا قويىلادى

88 رەت كورسەتىلدى

شىعىس قازاقستان وبلىسىنىڭ ەجەلگى ساق قورىمدارىنان تابىلعان 300 التىن ارتەفاكت العاش رەت قىركۇيەك ايىندا كەمبريدجدەگى فيتسۋيليام مۇراجايىندا ۇسىنىلادى، دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

شقو اكىمدىگىنىڭ ءباسپاسوز قىزمەتى بۇل تۋرالى 10 تامىزدا ۆۆس جانە تاعى بىرنەشە جەتەكشى بريتاندىق اقپاراتتىق سايتتار جازعانىن اتاپ ءوتتى.

«شامامەن 2700 جىل بۇرىن جەرلەنگەن ەجەلگى جاۋىنگەرلەرگە تيەسىلى التىن ارتەفاكتىلەر ۇلىبريتانيادا العاش رەت كورسەتىلەدى. شىعىس قازاقستان وبلىسىنىڭ ساق قورىمدارىنىڭ ەكسپوناتتارى فيتسۋيليام مۇراجايىندا ۇسىنىلادى. سونداي-اق، زەرگەرلىك بۇيىمدار، ات ابزەلدەرى جانە باسقا دا زاتتار ۇسىنىلاتىن بولادى. زەرتتەۋشىلەر ولاردى ءينۆازيۆتى ەمەس تەحنولوگيانى قولدانا وتىرىپ زەرتتەيدى»، دەدى BBC News.

بەدەلدى باسىلىمداردىڭ ءبىرى - The Times گازەتى جاس ساداقشىنىڭ قورىمى كوپشىلىكتىڭ نازارىن اۋداراتىن ەلەمەنت بولاتىنىن، ال ءۇش ساق قورىمىنان تابىلعان قازىنالار 28 قىركۇيەكتەن باستاپ كوپشىلىك نازارىنا ۇسىنىلاتىنىن اتاپ ءوتتى. Daily Mail گازەتى كورمەدە 300-دەن استام ارتەفاكت ۇسىنىلادى، ولاردىڭ كەيبىرەۋلەرى مىڭداعان ۇساق بولشەكتەردەن تۇرادى دەپ جازادى. The Guardian باسىلىمى، ءوز كەزەگىندە، كورمەدە قازاقستاننىڭ سوڭعى جىلدارداعى ەڭ جارقىن ارحەولوگيالىق اشىلۋلارى كورسەتىلەتىنىن اتاپ ءوتتى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار