باسىلىمنىڭ مالىمەتىنشە, قازىر بۇل كورسەتكىش بويىنشا گرۋزيانى تەك ۇلىبريتانيانىڭ يرلانديا تەڭىزىندەگى مەن ارالى باسىپ وزادى.
گرۋزيا دەنساۋلىق ساقتاۋ ءمينيسترى ەكاتەرينا تيكارادزە قالىپتاسقان جاعدايعا تۇسىنىكتەمە بەردى.
«ينفەكتسيا جۇقتىرۋدىڭ جاڭا جاعدايلارىنىڭ كوپ بولۋى دەلتا شتاممىنىڭ تارالۋىنا بايلانىستى بولدى. بۇل ءبىزدىڭ بۇگىنگى كۇردەلى پروتسەسستىڭ باستى سەبەبى», دەپ «Sputnik گرۋزيا» ءمينيستردىڭ ءسوزىن كەلتىرەدى.
مينيستر سوڭعى بىرنەشە اپتادا ەلدە جەدەل جاردەم بريگادالارىنىڭ شاقىرۋلار سانى 50 پايىزعا ارتقانىن اتاپ ءوتتى. كوپ جاعدايدا دارىگەرلەر شاقىرتۋ ورىندارىنا كەشىگىپ كەلەتىنى انىقتالدى.
سوڭعى مالىمەتتەر بويىنشا, گرۋزيادا كوروناۆيرۋس جۇقتىرعانداردىڭ سانى 455 846-عا جەتتى. 43 مىڭنان استام پاتسيەنت اۋرۋدىڭ بەلسەندى ساتىسىندا بولسا, 6182 ادام ينفەكتسيانىڭ قۇربانى اتاندى. 205 مىڭ ازامات ۆاكتسيناتسيانىڭ تولىق كۋرسىنان ءوتتى.
بۇعان دەيىن تبيليسي جۇقپالى اۋرۋلار اۋرۋحاناسىنىڭ باسشىسى تەنگيز تسەرتسۆادزە گرۋزيانىڭ دەنساۋلىق ساقتاۋ جۇيەسىندە سovid-19 بار ناۋقاستار اعىنىنىڭ كۇرت وسۋىنە بايلانىستى قۇلدىراۋ بولۋى مۇمكىن دەپ مالىمدەدى. ول ءۇندىستاننىڭ كوروناۆيرۋس شتاممى ەلدە بەلسەندى تۇردە تارالاتىنىن اتاپ ءوتتى.
