وبلىس ورتالىعىندا تاۋلىگىنە 7 توننا نان-توقاش ونىمدەرىن شىعاراتىن كاسىپورىن «كورنلەبەن» سەرىكتەستىگىنە قارايدى. جۋىردا پايدالانۋعا بەرىلگەن كاسىپورىننىڭ قۇرىلىمى مەن جاراقتاندىرىلۋىنا كاسىپكەر نيكولاي ميللەردىڭ ايتۋىنشا, 82 ميلليون تەڭگە ينۆەستيتسيا سالىنىپتى. جاڭا كاسىپورىندا 40 ادام جۇمىس جاسايدى. ورتاشا جالاقى مولشەرى – 65 مىڭ تەڭگە. ءبىزدىڭ مىندەتىمىز – اۋىل شارۋاشىلىعى ونىمدەرىن وڭدەۋ. بيزنەسكە قولداۋ كورسەتىلۋدە. ەندى حالىقتى ساپالى نان ونىمدەرىمەن قامتاماسىز ەتىپ, الداعى ۋاقىتتا سىرتقى نارىققا شىعۋ, دەيدى جاڭا كاسىپورىندى ىسكە قوسقان اۋىل مەن قالاداعى قوس سەرىكتەستىك يەسى كاسىپكەر نيكولاي ميللەر. قۇرىلعىلار مەن قۇرال-جابدىقتار گەرمانيادان ساتىپ الىنعان.
وبلىس ورتالىعىندا تاۋلىگىنە 7 توننا نان-توقاش ونىمدەرىن شىعاراتىن كاسىپورىن «كورنلەبەن» سەرىكتەستىگىنە قارايدى. جۋىردا پايدالانۋعا بەرىلگەن كاسىپورىننىڭ قۇرىلىمى مەن جاراقتاندىرىلۋىنا كاسىپكەر نيكولاي ميللەردىڭ ايتۋىنشا, 82 ميلليون تەڭگە ينۆەستيتسيا سالىنىپتى. جاڭا كاسىپورىندا 40 ادام جۇمىس جاسايدى. ورتاشا جالاقى مولشەرى – 65 مىڭ تەڭگە. ءبىزدىڭ مىندەتىمىز – اۋىل شارۋاشىلىعى ونىمدەرىن وڭدەۋ. بيزنەسكە قولداۋ كورسەتىلۋدە. ەندى حالىقتى ساپالى نان ونىمدەرىمەن قامتاماسىز ەتىپ, الداعى ۋاقىتتا سىرتقى نارىققا شىعۋ, دەيدى جاڭا كاسىپورىندى ىسكە قوسقان اۋىل مەن قالاداعى قوس سەرىكتەستىك يەسى كاسىپكەر نيكولاي ميللەر. قۇرىلعىلار مەن قۇرال-جابدىقتار گەرمانيادان ساتىپ الىنعان.
جالپى, نەمىس تىلىنەن اۋدارعاندا «كورنلەبەن» «التىن ءدان» دەگەن ماعىنانى بىلدىرەدى ەكەن. نيكولاي ميللەردىڭ ايتۋىنشا, كاسىپورىن 2002 جىلى ديىرمەن كەشەنى رەتىندە اشىلىپتى. ماكارون ونىمدەرىن شىعاراتىن تسەح ىسكە قوسىلىپتى. ەندى, مىنە, جاڭا ناۋبايحانا دا ىسكە قوسىلدى. القاپتا جينالعان بيدايدى قالاعا «كورنلەبەن» كاسىپورنىنا جەتكىزەدى. ياعني, اۋىلداعى سەرىكتەستىكتىڭ ەندى قالادا ءوز ونىمدەرىن وندىرەتىن كاسىپورىندارى بار, استىقتى قايدا وتكىزەمىز دەپ باس قاتىرمايدى. كاسىپورىندا ءبىرىنشى جانە جوعارى سۇرىپتى ۇن, ماكاروننىڭ 15 ءتۇرى, نان-توقاش ونىمدەرىنىڭ 12 ءتۇرى دايىندالادى. نان-توقاشتارى وبلىستان بولەك, ەلىمىزدىڭ وزگە دە وڭىرلەرىنە جەتكىزىلەدى. شارۋاشىلىق يەسى بولاشاقتا «كورنلەبەننىڭ» ونىمدەرىن الىس-جاقىن شەتەلدەرگە ەكسپورتتاۋ جوسپاردا بارىن ايتتى.
الداعى ۋاقىتتا «كورنلەبەندە» كۇنباعىس مايىن وندىرەتىن تسەح اشىلادى. جالپى, «كورنلەبەن» كاسىپورنى – ەرتىس اۋدانىنداعى «اباي» جاۋاپكەرشىلىگى شەكتەۋلى سەرىكتەستىگىنىڭ وبلىس ورتالىعىنداعى قۇرىلىمى. وڭىردەگى استىق وسىرەتىن ەرتىس اۋدانىنداعى اباي اتىنداعى سەرىكتەستىك وتكەن جىلى كۇزگى جيىن-تەرىن كەزىندە 100 مىڭ توننادان استام بيداي جيناپ الدى. دالانىڭ مول ءونىمى ەندى, مىنە, قالالىقتاردىڭ داستارقانىنا دا جەتتى. ن.ميللەر باسقاراتىن «اباي» سەرىكتەستىگى 60 مىڭ گەكتار القاپقا ەگىن ەگەدى. اۋىلدىڭ الاڭسىز جۇمىسى مەن تىنىس-تىرشىلىگى ءۇشىن بارلىق الەۋمەتتىك جاعدايلار جاسالعان. ءار ۇيگە سۋ كەلىپ تۇرادى. بالاباقشا, مادەنيەت ءۇيى, مونشا, ەمحانا, دارىگەرلىك پۋنكت, اسحانا, قوناقۇيى, مەكتەپ, دۇكەندەر, ناۋبايحانا, كونديتەرلىك تسەحتار, ءسۇت ونىمدەرى – بارلىعى دا بار, باسسەين, سپورت كەشەندەرى تۇگەلدەي جۇمىس جاساپ تۇر. ءدال قالاداعىداي ءومىر. كەڭەس وكىمەتى كەزىندە سالىنعان قىرۋار دۇنيەنى شارۋاشىلىقتار ىدىراعان جەكەشەلەندىرۋ ناۋقانىندا ميللەر ساتىپ الىپ, ساقتاپ قالدى. سول قالپىندا ب ۇلىنبەي, بۇزىلماي بۇگىنگى اۋىلدىڭ قولىنا ءتيدى. ميللەر تۋعان اۋىلىن بۇلدىرگىگە سالدىرمادى. بۇگىندە ونىڭ قىزىعىن اۋىل حالقى كورىپ وتىر. ميللەردىڭ اۋىلى جايناپ تۇر, ءسۇت وڭدەيتىن كاسىپورىن دا بار, وندا ايران دا, قايماق تا, ىرىمشىك, ماي وندىرىلەدى.
جوبالىق قۋاتى تاۋلىگىنە – 10 توننا. سەرىكتەستىك ءتىپتى, كىم كەلىپ ءۇي سالىپ بەرەدى دەپ كۇتىپ وتىرماي-اق, ءوز قاراجاتىنا باياعىدا تۇرعىن ۇيلەر تۇرعىزدى.
– بۇگىندە مەملەكەت شارۋاشىلىقتاردىڭ جۇمىس جاساۋىنا مۇمكىندىكتەر جاساۋدا. ءوز باسىم شەتەلدەردە كوپ بولامىن. ءبارىن دە كورىپ ءجۇرمىز. ال, ءبىز – اۋىلدىق كاسىپكەرلەر ءبىزدىڭ مەملەكەتتىڭ جاساعان مۇمكىندىكتەرىن دۇرىس پايدالانا ءبىلۋىمىز كەرەك, – دەيدى نيكولاي ميللەر.
فاريدا بىقاي,
«ەگەمەن قازاقستان».
پاۆلودار وبلىسى.
سۋرەتتەردى تۇسىرگەن ۆالەري بۋگاەۆ.
