«سەرگەك» بەينەباقىلاۋ جۇيەسى قيىلىستىڭ الدىندا كولىكتەردىڭ دۇرىس ەمەس قاتارعا تۇرۋدى, ستوپ-لينيا سىزىعىنا كىرۋدى جانە اۆتوبۋس جولاعىنىڭ بويىمەن ءجۇرۋدى انىقتايدى.
سونداي-اق «سەرگەك» كامەرالارى جىلدامدىقتى, كولىكتىڭ باعدارشامنىڭ قىزىل تۇسىنە ءوتىپ كەتۋىن جانە تىيىم سالىنعان جەرگە توقتاعانىن تىركەيدى.
«بارلىق زاڭ بۇزۋشىلىقتاردى پوليتسيا وڭدەيدى. ءارى قاراي بۇزۋشىلىقتار تۋرالى نۇسقاۋلىق كولىك قۇرالدارىنىڭ يەلەرىنە سمس جانە پوشتا ارقىلى ەكى جولمەن جىبەرىلەدى. ايىپپۇل تۋرالى حابارلامانى العاننان كەيىن, قۇقىقبۇزۋشى جەتى كۇن ىشىندە سومانىڭ جارتىسىن تولەي الادى. تولەم ءوز ەركىمەن تولەنبەگەن جاعدايدا, حابارلاما الىنعان كۇننەن باستاپ 30 كۇن وتكەن سوڭ, ماتەريال قر اقبك-ءنىڭ 894-بابىنا سايكەس ماجبۇرلەپ الۋعا جىبەرىلەدى. Egov.Kz جانە Qamqor.gov.kz سايتتارىندا بۇزۋشىلىق حاتتامالارىمەن تانىسۋ مۇمكىندىگى بار. ايىپپۇلدى كەز-كەلگەن ىڭعايلى جولمەن تولەۋگە بولادى. مىسالى, ەلەكتروندى ۇكىمەت پورتالىندا ونلاين, بانكتەردىڭ ەسەپ ايىرىسۋ-كاسسالىق بولىمىندە نەمەسە ءموبيلدى قوسىمشالار ارقىلى تولەم جۇرگىزۋگە بولادى (Kaspi.kz, HalykBank, Kassa24, Handypay, Homebank, كازپوچتا, كولەسا). ايىپپۇلدان تۇسكەن بارلىق قاراجات قالالىق بيۋدجەتكە تۇسەدى», دەدى اكىمشىلىك پوليتسيا باسقارماسىنىڭ باستىعى نۇرلان امانبەك.
