فوتو: pixabay.com
«بارشاڭىز كورىپ وتىرسىزدار, قازىرگى كەزدە كەي «ساراپشىلار» ءوزىنىڭ يميدجىنە بولا اقپاراتتىق سوعىس جۇرگىزىپ جاتىر. تۇراقتى وبەكتيۆتى اقپارات بولماعان جاعدايدا جۇرتشىلىق جاڭىلىپ, فەرمەرلەر زارداپ شەگەدى. ءوزى ارزان ەمەس جەم-ءشوپ وسىنداي قارا پيار-اكتسيا سەبەبىنەن ودان سايىن قىمباتتاپ جاتىر. مىسالى, «3 ميلليون مال ولەدى ەكەن» دەگەن سىبىس شىققالى بەرى ءشوپ تە, كەبەك تە قايتا قىمباتتادى», دەدى اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەەۆ.
ونىڭ ايتۋىنشا, بۇل ماسەلەدە ايماق باسشىلارى جۇرتشىلىق پەن باق-قا مۇمكىندىگىنشە اشىق بولۋى كەرەك. سونداي-اق جەم-ءشوپتى ساتىپ الۋ جۇمىستارى تۋرالى ۋاقىتىلى حاباردار ەتۋى ءتيىس.
قاراشوكەەۆ بۇقارالىق اقپارات قۇرالدارى مەن جۇرتشىلىقتى جەرگىلىكتى جەدەل شتاب وتىرىستارىنا دا شاقىرۋدى ۇسىندى. وسىلايشا ەل اراسىندا جۇرگەن مال ءولىمى, جۇت جانە اشارشىلىق تۋرالى نەگىزسىز اقپاراتتى ساۋاتتى تۇردە جوققا شىعارۋعا بولادى.
ول بارلىق بۇيرىقتىڭ ورىندالۋىن جەكە باقىلاۋعا الاتىنىن ايتتى.
