2017 جىلى Middle Corridor بويىنشا تەك 0,3 مىڭ كونتەينەر وتكىزىلگەن. 2018 جىلى تاۋار تاسىمالى 3,9 مىڭ جفە-گە دەيىن ءوستى. 2019 جىلى بۇل كولەم تاعى 2 ەسەگە ارتىپ, 7,4 مىڭ كونتەينەردى قۇرادى.
ەكسپورتتىق جۇك تاسىمالدارىنىڭ وسۋىنە «قتج» ۇك» اق-تىڭ مۇناي ونىمدەرىن, ءداندى جانە بۇرشاق داقىلدارىن, مينەرالدىق تىڭايتقىشتاردى, كارتوپ, ەت, قانت, ءتۇستى جانە قارا مەتال, ماقتا, وسىمدىك مايى, شيكى قانت, جاڭا پىسكەن جەمىس-كوكونىس ونىمدەرى, قۇس ەتى, توقىما, پوليپروپيلەندى, سونداي-اق كونتەينەرلەردەگى جۇكتەردى وزبەكستانعا جانە وزبەكستاننان ەلىمىز ارقىلى ترانزيتپەن تاسىمالداۋعا قولايلى تاريفتىك جاعدايلار ۇسىنۋ تۋرالى شەشىمى اسەر ەتتى.
پاندەميانىڭ باستالۋى قاۋىمداستىق مۇشەلەرىنىڭ جوسپارى مەن قۇرىلعان لوگيستيكالىق بايلانىستارعا ايتارلىقتاي اسەر ەتتى. الايدا, كونتەينەرلىك تاسىمالداردىڭ ءوسۋى وسى كۇردەلى جىلدا دا توقتاعان جوق. وتكەن جىلمەن سالىستىرعاندا 9% نەمەسە 8,1 مىڭ جفە ارتتى.
2021 جىلى تحكب باعىتىنداعى جۇك تاسىمالى قايتا جانداندى. ءبىرىنشى جارتىجىلدىقتا 7,4 مىڭ كونتەينەر تاسىمالداندى. بۇل وتكەن جىلدىڭ سايكەس كەزەڭنەن 2,3 ەسە ارتىق.
بەس جىل ىشىندە, 2017 جىلدان باستاپ 2020 جىلعا دەيىن باعىت بويىنشا 3,9 ملن توننادان استام سىرتقى ساۋدا جۇگى, ونىڭ ىشىندە 20 فۋتتىق بالامادا 71 مىڭ كونتەينەر تاسىمالداندى. ونىڭ 2,1 ملن تونناسى - ەكسپورتتالعان قازاقستان ونىمدەرى.
