ەلوردادا جىلجىمايتىن م ۇلىكتى وسى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان قالا تۇرعىندارى ۇتىپ الا الادى. بۇل ۇتىس ويىنىنا ۆاكتسيناتسيانىڭ بارلىق پۋنكتىندە ەكپە العاندار قاتىسادى: مەديتسينالىق مەكەمەلەر, ءسوو/سۇ. ۇتىس ويىنىنا قاتىسۋ اۆتوماتتى تۇردە جۇرگىزىلەدى. ارنايى قۇجات تولتىرىپ, تىركەلۋدىڭ قاجەتى جوق. ەكى بولمەلى پاتەردىڭ ۇتىس ويىنى تىكەلەي ەفيردە وتەدى.
ەلوردا اكىمدىگى ۆاكتسينا العاندار اراسىندا iPhone12 جانە باسقا دا قۇندى جۇلدەلەردىڭ ۇتىس ويىنىن اپتا سايىن وتكىزىپ تۇراتىنىن ەسكە سالامىز. مىسالى, 9 شىلدەدەن باستاپ ۆاكتسيناتسيالانعانداردىڭ اراسىندا iPhone 12 تەلەفونىنىڭ 13 داناسى, سول سياقتى ءتورت توڭازىتقىش, ءۇش تەلەديدار, ەكى پلانشەت, ءۇش ميكروتولقىندى پەش, بەس پرينتەر, ەكى بەينەتىركەگىش, كىر جۋعىش ماشينا, اليسا اقىلدى كولونكاسى جانە اۋانى ىلعالداندىرعىش ويناتىلدى. ايتا كەتۋ كەرەك, ۇتىس ويىندارى دەمەۋشىلەردىڭ كومەگىمەن وتكىزىلەدى.
ۆاكتسينا العاندار اراسىندا iPhone12 جانە باسقا دا باعالى سىيلىقتاردىڭ كەزەكتى التىنشى ۇتىس ويىنى 14 تامىز كۇنى (سەنبى) نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) پاراقشالارىندا تىكەلەي ەفيردە وتەدى.
سونداي-اق, «MEGA Silk Way» سوو-داعى ۆاكتسيناتسيا پۋنكتىندە 23 ماۋسىم مەن 31 تامىز ارالىعىندا ۆاكتسيناتسيانىڭ ءبىرىنشى كومپونەنتىن العاندار اراسىندا اۆتوموبيل ۇتىسى وتەدى.
بۇدان بولەك, ەكپە العاندار اراسىندا باعالى جۇلدەلەردىڭ ۇتىس ويىنى وزگە دە سوو مەن ءسۇ-لەردەگى ۆاكتسيناتسيا پۋنكتتەرىندە وتەدى.
Birge پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان. ونى ازىرلەۋگە IT-قاۋىمداستىق قاتىستى. ەكپە العاندار بويىنشا سەرۆيس قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.
باعالى سىيلىقتاردىڭ ۇتىس ويىندارى قالا تۇرعىندارىن ۆاكتسيناتسيالاۋعا ىنتالاندىرۋ ءۇشىن وتكىزىلەدى. ۆاكتسيناتسيا عانا ءوز دەنساۋلىعىڭىزدى دا, جاقىندارىڭىز بەن اينالاڭىزداعى جانداردىڭ دەنساۋلىعىن دا قورعاۋعا مۇمكىندىك بەرەدى. ويتكەنى, باستى ماقسات – ۇجىمدىق يممۋنيتەتتى دامىتۋ جانە كارانتينگە دەيىنگى رەجيمگە ورالۋ.
