قازاقستاندا كيىم ءوندىرىسى ارتتى

قر ءبىلىم جانە عىلىم مينيسترلىگى COVID-19 پاندەمياسىنا بايلانىستى وقۋشىلارعا الداعى وقۋ جىلىندا دا مەكتەپ فورماسىن كيۋدى مىندەتتەمەيدى.

بۇل ارادا كتك تەلەارناسىنىڭ حابارلاۋىنشا, مەكتەپ فورماسىن وندىرۋشىلەر مينيسترلىكتىڭ بۇل شەشىمىنە نارازى. ولار مەكتەپ فورماسىن تىگۋگە دايىندىقتى التى اي بۇرىن باستاعان جانە قاجەتتى ماتەريالداردى ساتىپ الىپ قويعان. وندىرۋشىلەر وتكەن جىلى وسىنداي جاعدايعا تاپ بولدى.

سوعان قاراماستان كيىم وندىرۋشىلەرى 2020 جىلى قۇنى 53,6 ملرد تەڭگە بولاتىن كيىم وندىرگەن, بۇل 2019 جىلمەن سالىستىرعاندا 6,2%-عا كوپ.

وسى جىلدىڭ قاڭتار-ماۋسىمىندا كيىم ءوندىرۋ كولەمىنىڭ جارتىسىنا جۋىعى تەك ءۇش وبلىسقا تيەسىلى بولدى: الماتى وبلىسى (4,7 ملرد. تەڭگە), الماتى قالاسى (4 ملرد. تەڭگە) جانە قاراعاندى ​​وبلىسى (3,2 ملرد. تەڭگە).

فيزيكالىق تۇرعىدان العاندا, كيىمنىڭ كوپتەگەن نەگىزگى ءتۇرى بويىنشا ءوسىم بايقالدى. مىسالى, ەرلەر مەن ەر بالالارعا ارنالعان سىرتقى كيىمدەر ءوندىرىسى 4,4%-عا, ياعني 89,8 مىڭ داناعا دەيىن ءوستى.

قولمەن توقىلعان نەمەسە ماشينادا توقىلعان سىرت كيىمدەردى شىعارۋ 11,8%-عا, ال جەمپىر سىندى تريكوتاج ءوندىرىسى 7,5%-عا, باس كيىم 35,7%-عا, ال تابيعي جۇننەن تىگىلگەن كيىمدەردىڭ بۇيىمدارى مەن كەرەك-جاراقتارى 42,4%-عا ءوستى.

ال ايەلدەر مەن قىزدارعا ارنالعان سىرت كيىمدەر بىردەن 2 ەسەگە, سابيلەرگە ارنالعان توقىلعان كيىمدەر 25,8%-عا,  ش ۇلىق ءوندىرىسى 1%-عا تومەندەدى.