11 تامىزدا قر پرەزيدەنتىنىڭ كۋبوگى ءۇشىن «بارىس», «كۋنلۋن», قاراعاندىلىق «سارىارقا» جانە وسكەمەندىك «تورپەدو» جارىساتىن بولادى. الدىن الا كەزەڭدە كوماندالار ءبىر اينالىمدا وينايدى. ودان كەيىن توپتىق تۋرنير قورىتىندىسى بويىنشا ءبىرىنشى جانە ەكىنشى ورىن العان ەكى ۇجىم فينالدىق كەزدەسۋدە وينايدى.
سونداي-اق, ءۇشىنشى ورىن ءۇشىن دە كەزدەسۋ وتەدى. شەشۋشى ماتچتاردىڭ وتكىزىلۋى 15 تامىزعا جوسپارلانعان. الداعى كترك ماتچتارى كورەرمەندەردىڭ تريبۋناعا كىرۋىنسىز وتەتىنىنە نازار اۋدارعان ءجون.
«وكىنىشكە وراي, ريگالىق «دينامو» باسشىلىعى بيىل قر پرەزيدەنتى كۋبوگىنا قاتىسپاۋ تۋرالى شەشىم قابىلدادى. ماسەلە مىنادا, قازىرگى ۋاقىتتا بارلىق دينامو ويىنشىلارى ۆاكتسيناتسيانىڭ تولىق كۋرسىنان وتكەن جوق. بۇل لاتۆياعا ورالعان سپورتشىلار 14 كۇندىك ءوزىن-ءوزى وقشاۋلاۋعا كەتۋى كەرەك دەگەندى بىلدىرەدى. سوندىقتان ءبىز قر پرەزيدەنتىنىڭ كۋبوگىنا ەكى قازاقستاندىق كوماندانى شاقىرۋدى ءجون كوردىك. «سارىارقانىڭ» جانە «تورپەدونىڭ» باسشىلىعىنا وڭ جاۋابى ءۇشىن العىسىمدى بىلدىرگىم كەلەدى», دەپ ءتۇسىندىردى «بارىس» پرەزيدەنتى بوريس يۆانيششەۆ.
ويىندار كۇنتىزبەسى:
11 تامىز (سارسەنبى)
15:00 «تورپەدو» - «كۋنلۋن رەد ستار»
19:30 «بارىس» - «سارىارقا»
12 تامىز (بەيسەنبى)
15:00 «سارىارقا» - «تورپەدو»
19:30 «كۋنلۋن رەد ستار» - «بارىس»
13 تامىز (جۇما) دەمالىس
14 تامىز (سەنبى)
12:00 «كۋنلۋن رەد ستار» - «سارىارقا»
17:00 «بارىس» - «تورپەدو» 15 تامىز (جەكسەنبى)
12:00 ءۇشىنشى ورىن ءۇشىن ماتچ
17:00 فينال
