بۇل ۇيىم 2019 جىلدىڭ قازان ايىنان بەرى جۇمىس ىستەي باستاپتى. بەلگىسىز بىرەۋلەر «WhatsApp» جەلىسى ارقىلى «Befree» توبىن اشىپ, ينۆەستيتسيالىق پيراميدا قۇرىپ, وعان سالىمشى بولعانداردى 2 اپتا ىشىندە 50 پايىزدىق ۇستەمەمەن پايدا تاباتىنىنا سەندىرگەن. از ۋاقىت ىشىندە ۇيىمعا ۇزىن-سانى 296 ادام سالىمشى رەتىندە تىركەلىپ ۇلگەرىپتى.
پوليتسەيلەر دەرەگىنشە, جابىرلەنۋشى رەتىندە ارىزدانعان 21 ادامعا كەلگەن ماتەريالدىق شىعىن 22 ميلليوننان تەڭگەدەن اسقان.
وسىعان وراي پوليتسەيلەردىڭ جەدەل ارەكەتتەرىمەن, تەرگەپ-تەكسەرۋ جۇمىستارىنىڭ ناتيجەسىندە قالا ورتالىعىنىڭ تۇرعىنى ۇستالىپ, ونىڭ بۇل ىسكە قاتىستى تاعى دا ەكى سىبايلاسى انىقتالىپتى. ولارعا قاتىستى دالەلدەمەلەر جيناقتالىپ كۇدىكتى قاتارىندا تانىلعان.
قىلمىستىق ءىس بويىنشا قازاقستان رەسپۋبليكاسىنىڭ قىلمىستىق كودەكسىنىڭ 217-بابىنىڭ 3-بولىگىنىڭ 2-تارماعىمەن (قارجىلىق (ينۆەستيتسيالىق) پيراميدا قۇرۋ جانە وعان باسشىلىق ەتۋ, اسا ءىرى مولشەردە اقشانى نەمەسە وزگە م ۇلىكتى تارتا وتىرىپ جاسالعان) سوتقا دەيىنگى تەرگەپ-تەكسەرۋ امالدارى جۇرگىزىلدى.
قىزىلوردا قالالىق سوتىنىڭ شەشىمىمەن ايىپتالۋشىلاردىڭ ارقايسىسىن 5 جىلعا باس بوستاندىعىنان ايىرۋ تۋرالى شەشىم شىقتى.
