«ورتالىعى پاۆلودار وبلىسىنىڭ ۇستىندەگى تسيكلون رەسپۋبليكانىڭ سولتۇستىگىندە, شىعىسىندا, وڭتۇستىك-شىعىسىندا جانە ورتالىعىندا تۇراقسىز اۋا رايىنىڭ ساقتالۋىنا سەبەپشى بولىپ, جاڭبىر جاۋادى, نايزاعاي وينايدى. سولتۇستىكتە, سولتۇستىك-شىعىستا قاتتى جاڭبىر جاۋادى, جەكەلەگەن اۋدانداردا بۇرشاق جاۋىپ, داۋىل سوعادى. ەلىمىزدىڭ باتىسى مەن وڭتۇستىگىندە جاۋىن-شاشىنسىز اۋا رايى ساقتالادى. رەسپۋبليكا بويىنشا كەي جەرلەردە جەلدىڭ كۇشەيۋى, وڭتۇستىكتە شاڭدى داۋىل سوعادى», دەلىنگەن حابارلامادا.
اتاپ ايتقاندا, قاراعاندى, سولتۇستىك قازاقستان, پاۆلودار وبلىستارىندا نايزاعاي ويناپ, بۇرشاق جاۋىپ, داۋىل سوعادى, تۇندە پاۆلودار وبلىسىنىڭ كەي جەرلەرىندە تۇمان تۇسەدى.
اقمولا وبلىسىندا نايزاعاي ويناپ, كۇندىز بۇرشاق جاۋادى.
شىعىس قازاقستان وبلىسىنىڭ كەي جەرلەرىندە نايزاعاي ويناپ, بۇرشاق جاۋادى, جەل 15-20 م/س كۇشەيەدى.
جامبىل وبلىسىندا كۇندىز تاۋلى اۋدانداردا نايزاعاي, بۇرشاق, شاڭدى داۋىل بولادى.
كۇندىز الماتى وبلىسىنىڭ كەي جەرلەرىندە جەل كۇشەيەدى.
تۇركىستان, قىزىلوردا, ماڭعىستاۋ وبلىستارىندا كۇندىز 15-20 م/س دەيىن جەل كۇشەيەدى, شاڭدى داۋىل سوعادى.
اتىراۋ, كۇندىز باتىس قازاقستان, قوستاناي وبلىستارىندا جەلدىڭ جىلدامدىعى 15-20 م/س جەتەدى.
كۇندىز اتىراۋ وبلىسىندا وتە قاتتى ىستىق ساقتالادى, ماڭعىستاۋ وبلىسىنىڭ باسىم بولىگىندە قاتتى ىستىق, وبلىستاردىڭ وڭتۇستىگىندە وتە قاتتى ىستىق, باتىس قازاقستان وبلىسىنىڭ كەي جەرلەرىندە قاتتى ىستىق بولادى.
«قىزىلوردا, تۇركىستان, ماڭعىستاۋ, اتىراۋ, جامبىل, اقتوبە وبلىستارىنىڭ باسىم بولىگىندە, قاراعاندى, الماتى, باتىس قازاقستان وبلىستارىنىڭ كەي جەرلەرىندە, قوستاناي, شىعىس قازاقستان وبلىستارىنىڭ وڭتۇستىگىندە, اقمولا وبلىسىنىڭ جەكەلەگەن اۋداندارىندا توتەنشە ءورت قاۋپى ساقتالادى», دەلىنگەن حابارلامادا.
