كوروناۆيرۋس • 09 تامىز، 2021

كۇماندانۋشىلاردىڭ كۇدىگى قاشان سەيىلەدى؟

64 رەت كورسەتىلدى

تۋىسقاندار چاتى مەن الەۋمەتتىك جەلىلەردە «تويحانانىڭ ارتقى ەسىگىنەن تىعىلىپ كىرىپ، تويلاتىپ جۇرگەن كەزىمىز» دەپ سۋرەت سالاتىن اۋمەسەرلەر ءالى دە جەتكىلىكتى. سوندىقتان بۇل ىندەتتىڭ زاردابى بىرازعا دەيىن جالعاساتىنىن جوققا شىعارۋعا بولماس. ەگەر وقىرمان ەسىندە بولسا، ەلىمىزدەگى ەڭ العاشقى كوروناۆيرۋس ىندەتىن وڭىرلەرگە «ەكسپورتتاۋشىلار» دا وسى قۇدالىق پەن تويدان قالمايتىندار ەدى.

تويلاردان ىندەتتى «سارقىتقا» اكەتىپ جۇرگەندەردىڭ ناقتى مىسالىن بايانداماس بۇرىن، كوروناۆيرۋس ۆاكتسيناسىنا قارسى بول­عانداردىڭ كوپشىلىگى قازىر اينا­لاسىنداعى قايعىلى وقيعا­لار­دى ءوز كوزدەرىمەن كورىپ، كوزقاراسى وزگەرە باستاعانىن بايقاۋعا بولادى. ەڭ باستىسى، قازىرگىدەي جاع­دايدا دۇرىس جانە عىلىمعا نەگىز­دەلگەن ناقتى اقپاراتتار قاجەت.

سونىمەن بۇگىندە ءبىزدىڭ شا­ھار­دا بەزەك قاققان جەدەل جاردەم­نىڭ 30%-ى كوروناۆيرۋس پەن پنەۆ­مو­نياعا شالدىققانداردى تاسيدى. نە دەسەك تە، الماتىدا ءحالى اۋىر ناۋقاستاردىڭ سانى ارتتى، جان­ساقتاۋ بولىمشەلەرى 44%-عا تولدى. جانساقتاۋ جانە ينتەنسيۆتى تەراپيا بولىمشەلەرىندە 300-دەن اسا ناۋقاس بولسا، ال رەانيماتسيالىق توسەكتىك ورىنداردىڭ جالپى سانى – 700. قازىرگى كەزدە كوۆيدتىك ستا­تسيونارلار ءبىر مەزگىلدە 7 045 پا­تسيەنتتى قابىلداي السا دا، كوۆيد ورتالىقتارىن كەڭەيتۋ ماسەلەسى قا­راستىرىلىپ وتىر.

قالانىڭ وقۋ-كلينيكالىق ور­تا­­لىعىندا، فتيزيوپۋلمونولوگيا ورتالىعىندا، گۋمانيتارلىق-پە­داگوگيكالىق كوللەدجىندە ىندەت جۇق­تىرعاندار ءۇشىن قوسىمشا ورىن­دار اشىلدى. 4 تامىزدان باس­­تاپ «حاك» مەديتسينالىق ورتا­­لى­عىنا 130 توسەكتىك ورىن قويىل­سا، 3 جاسقا دەيىنگى بالالار اتا-انالارىمەن بىرگە جاتىر.

مىسالى، الماتىداعى №36 قا­­لالىق ەمحاناسىنىڭ باس دارى­گە­رىنىڭ ۇيىمداستىرۋ-ادىس­تەمە­لىك جۇمىسى جونىندەگى ورىن­باسا­رى­نىڭ مىندەتىن اتقارۋشى ۆە­نەرا توح­­تاحۋنوۆا ۆاكتسينا العان­داردا اۋىر جاعدايلار بولماعانىن اتادى.

دارىگەرلەر ۆاكتسيناعا قارسى بولىپ جۇرگەن پاتسيەنتتەرمەن شا­ما-شارقىنشا اڭگىمەلەسىپ، بارلىق مالىمەتتى ءتۇسىندىرىپ وتىر.

«كوبىنە، كۆي-گە قارسى ەكپە­دەن نەگە باس تارتاسىز دەگەن سۇ­راققا، پاتسيەنتتەر ول اسقىنۋلار تۋدى­رىپ، ودان ءولىپ كەتۋ مۇمكىن دەپ جاۋاپ بەرىپ جاتادى. ايتارىم، بۇگىندە بىردە-ءبىر قايعىلى جاعداي تىركەلگەن جوق جانە ۆاكتسينادان كەيىن اۋرۋدىڭ اسقىنۋى نەمەسە ءولۋى مۇمكىن ەكەنى دالەلدەنبەگەن. ۆاكتسينا العان ادامداردىڭ كۆي ينفەكتسياسىنان قورعالعانى دا­لەل­دەندى، ال ەكپەدەن كەيىن كورو­نا­ۆيرۋس جۇقتىراتىندار وتە از. ۆاكتسينالانعان ادام دەرت جۇق­تىرسا، جاعدايى جەڭىل نەمەسە ­سيم­پ­­تومسىز وتەدى»، دەيدى دارىگەر.

وكىنىشكە قاراي، ءبارى بىردەي بول­ماسا دا، ۆاكتسيناعا قارسىلىق تانىتۋشىلار كوبىنەسە ەگجەي-تەگجەيلى اقپارات العاننان كەيىن دارىگەرلەردىڭ دالەلدەرىمەن كەلى­سىپ، ەكپە الۋعا شەشىم قابىلداپ جاتادى.

«جەكە قورعانىس قۇرالدارىن جويۋ تۋرالى ايتار بولساق، ءبىز ۇسىن­عانداي ەگەر ادام ءبىر رەتتىك ماسكا تاعىپ جۇرسە، ونى ءار 3 ساعات سايىن، اسىرەسە 30-40 گرادۋس تەمپەراتۋرادا اۋىستىرىپ تۇرعان ءجون. تەرلەگەن كەزدە ماسكا ءتيىمسىز. ماسكالار ا سىنىبىندا، ياعني تۇرمىستىق قالدىقتار رەتىندە شىعارىلادى. بىرنەشە رەت قولدانىلعان ماسكالاردى كۇن سايىن جۋىپ، بۋلاۋ كەرەك. سودان سوڭ ونى ىستىق ۇتىكپەن ۇتىكتەمەسە، وندا بەتپەردەنىڭ پايداسى از»، دەيدى ۆ.توحتاحۋنوۆا.

وسى رەتتە ۆاكتسينا تۇگىلى ىن­دەتتىڭ بارىنا سەنبەگەن الما­تى­داعى ورتالىق قالالىق كلينيكا­­لىق اۋرۋحانا پاتسيەنتىنىڭ وقيعاسى­نا توقتالايىق. وتباسىمەن الماتى­عا دەمالۋعا كەلگەن قىزىلوردا قالا­سىنىڭ تۇرعىنى ءجاميلا جا­ناەۆانىڭ ىندەت جۇقتىرۋ تاريحى تومەندەگىدەي.

– الماتىعا كەلگەننەن كەيىن ءوزىم­دى ناشار سەزىنىپ، دەنە قى­زۋىم كوتەرىلىپ، السىزدىك پايدا بولدى. باسىندا سۋىقتادىم دەپ ويلاپ، ۇيدە ءبىر اپتا بويى يم­پرو­ۆيزاتسيالانعان قۇرالدارمەن ەم­دەلدىم. جاعدايىم ناشارلاي باس­تاعان كەزدە پتر تاپسىرىپ ەدىم، تەست ناتيجەسى وڭ بولىپ شىق­تى. سودان دەرەۋ جەدەل جاردەم شاقىردىم، ولار مەنى ورتالىق قالالىق كلينيكالىق اۋرۋحانا­عا الىپ كەلدى. ءۇشىنشى كۇنى مە­نىڭ جاعدايىم ءتىپتى ناشارلاپ، جاق­ساقتاۋ بولىمىنە اۋىستىردى، وندا ءتورت كۇن جاتتىم. جاعدايىم وتە اۋىر حالدە بولعان بۇل كۇندەر ەسىمنەن شىقپايدى. دارىگەرلەر جانىمنان ءبىر قادام دا الىس كەتپەدى. بەتىم بەرى قاراعاننان كەيىن وسى اۋرۋحاناعا، وسىنداي جوعارى بى­لىكتى ماماندارعا بارعانىما وتە قۋاندىم. ءوزىم ءبىلىم بەرىپ وتىر­عان مۇعالىممىن، سوعان قاراماس­­تان كو­روناۆيرۋس ينفەكتسياسى با­رىن مويىنداعىم كەلمەدى. جاھان­­دىق ىندەت تۋرالى الەۋمەتتىك جەلى­لەر­دە ۇدايى وقىپ وتىرسام دا، بى­راق ونىڭ بارىنا مەن دە، كۇيەۋىم دە سەنبەگەن ەدى. ول ۆاكتسينالاۋعا قاتتى قارسى بولىپ، ماعان دا ەكپە جاساتۋعا رۇقسات بەرمەدى. ايت­قانداي، كۇيەۋىم دە اۋىرىپ قالدى. وسى اۋرۋحانانىڭ بارلىق قىزمەتكەرلەرىنە العىس ايتقىم كەلەدى. ولار ءاربىر ناۋقاسقا ىج­داعاتپەن قارايدى ەكەن. ولارعا ءتوزىم تىلەگىم كەلەدى، ويتكەنى ولار وسىنداي قيىن جاعدايدا شىدام­دىلىقپەن جۇمىس ىستەيدى جانە كۇن سايىن وزدەرىن قاۋىپ-قاتەرگە دۋ­شار ەتىپ وتىرعانىن كوردىم، – دەي­دى الماتىنىڭ قوناعى.

 

الماتى

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار