وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, رەسەيدىڭ ورىنبور قالاسىندا دزيۋدودان ەرەسەكتەر اراسىندا «Orenburg Cup 2021» ەۋروپا كۋبوگى ءوتىپ جاتىر.
«ەۋروپا كۋبوگىن يەلەنۋ ءۇشىن حالىقىرالىق سايىستا الەمنىڭ 14 ەلىنەن 189 سپورتشى باق سىناۋدا. بۇل دودادا اتىراۋلىق دزيۋدوشى باقىت ابدۋسامات 60 كەلى سالماقتا قارسىلاستارىنىڭ ءبارىن ۇتىپ, ەۋروپا كۋبوگىنىڭ جەڭىمپازى اتاندى. ول ىرىكتەۋ كەزەڭىندە رەسەيلىك ەگور تسۆەتكوۆ مەن يتاليالىق دزيۋدوشى ماريو پەتروسينونى جارىس جولىنان ىعىستىردى. ال, جارتىلاي فينالدا ازەربايجان ەلىنىڭ وكىلى احمات يۋسۋپوۆتان باسىم ءتۇستى. اقتىق باسەكەدە رەسەي فەدەراتسياسىنان قاتىسقان قارسىلاسى يزنانۋر ساەۆتى قاپى قالدىرعان قازاق سپورتشىسى ەلىمىزدىڭ كوك بايراعىن جەلبىرەتىپ, ءانۇرانىمىزدى شىرقاتتى» دەپ حابارلادى باسقارمانىڭ ءباسپاسوز قىزمەتى.
سونداي-اق, ءايەلدەر اراسىندا 48 كەلى سالماقتا باق سىناعان ابيبا ابۋجاقىنوۆا ءۇش كەزدەسۋ وتكىزدى. اقتىق سىندا رەسەيلىك سپورتشىعا ەسە جىبەرءىپ, كۇمىس جۇلدەنى يەلەنءدى.
