جۇرت بولىپ جابىلا اتسالىسىپ جاتقان شاراپاتتى ىستەن قوستاناي وبلىسىنىڭ تۇرعىندارى دا تىس قالعان جوق. ارقالىق, امانگەلدى وڭىرىندەگى شاعىن شارۋالار بىرىگىپ, 6 تامىزدا تۇبەكتەگى ەلگە ەكى ۆاگون تۇكتەلگەن ءشوپ تيەپ جىبەردى.
ەل ازاماتتارىن ۇيىمداستىرىپ ورتاق ءىستىڭ باسى-قاسىندا, جان سالىپ جۇگىرىپ جۇرگەن جاننىڭ ءبىرى - امانگەلدىلىك شارۋا باقىتجان جۇماباەۆ. ايتۋىنشا, امانگەلدى توڭىرەگىندە كوكتەمدە وزەن سۋى جايىلعان جەرلەردە ءشوپ بار. بىراق بيىلعى قۇرعاقشىلىق ارقالىق پەن تورعاي جاعىنا اۋىرلاۋ سوعىپ تۇر.
- سوعان قاراماستان, ءار وڭىردەن جىگىتتەرماڭعىستاۋداعى اعايىنعا كومەك بەرىپ, بىرلىك پەن باۋىرمالدىققا ۇندەپ, جانتالاسىپ جاتقاندا, جاعدايدى كورىپ-ءبىلىپ تۇرىپ جايباراقات جاتا المادىق. شىداي الماي كەتتىك. امانگەلدىنىڭ ماڭايىنداعى شاعىن شارۋا قوجالىقتارى مەن جۇك تاسىمالداپ جۇرگەن جۇرگىزۋشىلەر بار – سولاردىڭ باسىن قوسىپ, قولىمىزدان كەلگەنشە ء شوپ جيناپ, ارقالىققا دەيىن جەتكىزىپ بەردىك. وسىنداي قىسىلتاياڭ كەزەڭدە ءبىر اۋىز سوزگە كەلمەستەن قولداۋ كورسەتىپ, قولىنداعى بارىمەن بولىسكەن امانكەلدى اۋدانىنىڭ جەكە كاسىپكەرلەرى مىرزاعالي تۇرماعانبەتوۆ, داستان مۋسين, اسەت ابدىبەكوۆ, ساعدات داۋعارين, مەلس بءوجەنتاەۆ, سەرىك قايىربەكوۆ سياقتى ازاماتتارعا العىسىم شەكسىز. جينالعان ءشوپتىڭ باس-اياعى 21 تونناداي بولادى. ونى جەرگىلىكتى جۇرگىزۋشىلەر - سەرىك شۇباتاەۆ, مارات التىنباەۆ, ءسابيتجان جارماعانبەتوۆتەر وزدەرىنىڭ جۇك كولىكتەرىنە تيەپ, ارقالىققا دەيىن جەتكىزىپ بەردى, - دەدى ب. جۇماباەۆ.
ارقالىق ۆوكزالىنا كەلگەن ءشوپتى ۆاگونعا تيەۋ قول كۇشىن قاجەت ەتەدى. بۇل مىندەتتى قالالىق جاستار رەسۋرستىق ورتالىعىنان شىققان 20 ەرىكتىاتقاردى.
دەگەن توپ قۇرعانبىز. سول جەرگە فوتوسۋرەتتەردى جىبەرىپ, بارىنە 3-4 شارۋا قوجالىعى بىرىگىپ ارقايسى 350 كيلو تارتاتىن 60 رۋلون ءشوپ جىبەرگەنىمىزدى حابارلادىق. ءالى دە ءشوپ بەرەمىز دەپ جاتقان شارۋاشىلىقتار بار. ولاردىڭ كوبى: ء«شوپ بار, بىراق ونى قاجەتتى جەرگە جەتكىزىپ بەرەتىن كولىك بولماي وتىر. وسىنى قالاي شەشسەك ەكەن؟ - دەپ جازىپ جاتىر. كولىك جاعىن ۇيىمداستىرۋعا ۋاقىت تارشىلىق ەتىپ قالدى. ونىڭ سىرتىندا ءدال قازىر جۇك كولىگىن تابۋ قيىنعا سوعىپ تۇر. ويتكەنى قازىر, وزدەرىڭىز بىلەسىزدەر, ناعىز قاۋىرت شاق, ەگىن ماۋسىمى باستالدى. سوندىقتان اماندىق بولسا, الداعى كۇندەرى باتىستاعى اعايىنعا تاعى ءشوپ جىبەرەمىز دەپ جوسپارلاپ وتىرمىز, - دەدى يگى ءىسكە ۇيتقى بولا بىلگەن باۋىرجان.
ارقالىق وڭىرىندەگى ەلدى مەكەندەردىڭ دە ءبىرازى بيىل الا جازداي شىجىپ تۇرىپ العان اپتاپ ىستىققا ۇرىنىپ, شابىندىقسىز قالعان. بۇل اۋىلدار دا قىسقى مال ازىعىن امانگەلدى اۋدانىنان الىپ جاتىر.
وبلىستىڭ سولتۇستىك اۋداندارىنىڭ ءبىرازىندا ءشوپ قورى جەتكىلىكتى. مۇنداعى شارۋالار بيىل شابىندىعى سۇيىلىپ كەتكەن جىتىقارا, دەنيسوۆ, بەيىمبەت مايلين اۋداندارىنا كومەكتەسىپ جاتىر. 
