ەكولوگيا • 07 تامىز، 2021

ىلە-الاتاۋ تابيعي پاركىنىڭ اۋماعىنان 400 توننادان استام قوقىس شىعارىلدى

47 رەت كورسەتىلدى

ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىندا ەكولوگيالىق رەيد وتكىزىلدى، دەپ حابارلايدى Egemen.kz.

بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگى مالىمدەدى.

شاراعا پارك قىزمەتكەرلەرىمەن بىرگە الماتى قالاسى تۋريزم باسقارماسى مەن تابيعاتتى قورعاۋ پوليتسياسىنىڭ وكىلدەرى، ەرىكتىلەر، «Kaz Eco Patrol» رقب، ورمانشىلار، مەملەكەتتىك ينسپەكتورلارى قاتىستى. بىرلەسكەن ءىس-شارا بارىسىندا ەكولوگيالىق زاڭنامانى بۇزۋ فاكتىلەرى انىقتالدى.

اتاپ ايتقاندا، ورمان فاۋناسىن جويۋ جانە زاقىمداۋ، سونداي-اق قالدىقپەن لاستاۋعا قاتىستى 1 فاكتى تىركەلدى. سونداي-اق ءورت قاۋىپسىزدىگى ەرەجەسى مەن ورماننىڭ سانيتاريا ەرەجەسىن ساقتاماۋعا قاتىستى 3 فاكتى تىركەلدى.

ايتا كەتۋ كەرەك، ىلە-الاتاۋ پاركىنە جىل سايىن 250 مىڭنان استام تۋريست كەلەدى. ولاردىڭ كوبەيۋىنە بايلانىستى ۇلتتىق پارك انتروپوگەندىك فاكتورلاردىڭ اسەرىن ازايتۋ ءۇشىن تۋريست مارشرۋتتارى مەن سوقپاقتارىن ۇنەمى قاداعالاپ وتىرۋى كەرەك. وسىعان بايلانىستى قاتتى تۇرمىستىق قالدىقتى بولەك جيناۋ جانە سۇرىپتاۋدى ەنگىزۋگە جونىندەگى جول كارتاسى جاسالدى.

«ونى جۇزەگە اسىرۋ بارىسىندا 2020 جىلى 2 زاماناۋي قوقىس تاسىعىش، قاتتى تۇرمىستىق قالدىقتى جيناۋعا ارنالعان 135 كونتەينەر جانە ورگانيكالىق جانە تاماق قالدىعىنا ارنالعان 90 كونتەينەر ساتىپ الىندى. جىل باسىنان بەرى ساياباق اۋماعىنان 400 توننادان استام قوقىس شىعارىلدى.

سونداي-اق، ءورت قاۋپى جاعدايىن ۋشىقتىرماس ءۇشىن 4 تامىزىنان باستاپ ساياباق اۋماعىندا وت جاعۋعا تىيىم سالىندى. وت جاققان جانە قوقىس تاستاعان ادامدار اكىمشىلىك جاۋاپكەرشىلىككە تارتىلادى»، دەلىنگەن حابارلامادا.

 

 

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار