ەۆاكۋاتسيا مەن ۋاقىتشا ورنالاستىرۋ ءۇشىن 4 ەۆاكۋاتسيالىق پۋنكت اشىلعان. تۇركىستان وبلىستىق تجد شۇعىل جەلى اشقان. 19.22-دە ءورت وقشاۋلانعان.
«قازىرگى ۋاقىتتا ب ۇلىنگەن تەمىرجول پلاتفورماسىنان كونتەينەرلەردى ءتۇسىرۋ جۇمىستارى جۇرگىزىلىپ جاتىر. ءورت 6 تامىزدا ساعات 19.22-دە اۋىزدىقتالىپ, 21.55-تە ءسوندىرىلدى. سۋ توگىلىپ, كونتەينەرلەر بوساتىلىپ جاتىر», دەدى ءوڭىر اكىمدىگىنىڭ وكىلدەرى.
سانيتارلىق-ەپيدەميولوگيالىق قىزمەت ءورت جويىلعاننان كەيىن اۋا سىناماسىن الاتىنى ايتىلادى. ءورتتىڭ بولجانىپ وتىرعان سەبەبى - رەزەرۆۋاردان اعىپ كەتكەن سارى فوسفوردىڭ وزدىگىنەن جانۋى.
پوليتسيا دەپارتامەنتى 6 بلوكبەكەت ۇيىمداستىردى, اپات ورىندارى مەن ەلدى مەكەننىڭ اۋماعى قورشالدى.
«وقيعا باسقا پويىزدارعا اسەر ەتپەدى. قازىرگى ۋاقىتتا تجد 26 قىزمەتكەرى مەن 5 تەحنيكا جۇمىلدىرىلدى. قتج-نىڭ 12 قىزمەتكەرى جانە ءبىر دانا تەحنيكا مەن ءورت ءسوندىرۋ پويىزى تارتىدى. سونداي-اق, ارىس قالاسىنىڭ جەلىلىك پوليتسيا ءبولىمىنىڭ قىزمەتكەرلەرى جۇمىلدى. سونداي-اق 44/859 ءاب اسكەري ءبولىمىنىڭ اسكەري قىزمەتشىلەرى 8 ادام جانە 2 دانا تەحنيكا. وقيعا ورنىنا سانيتارلىق-ەپيدەميولوگيالىق باقىلاۋ بەكەتى قويىلدى. زارداپ شەككەندەر جوق», دەدى تۇركىستان وبلىسى تجد باستىعىنىڭ ورىنباسارى ەرىك سارىباەۆ.
«الدىن الا اقپارات بويىنشا, كونتەينەردە سارى فوسفور بار», دەپ قوستى ول.
سارى فوسفور - ۋلى زات. اۋادا وڭاي توتىعادى جانە وزدىگىنەن تۇتانادى. ول قورشاعان ورتاعا جانە ادام دەنساۋلىعىنا زيانىن تيگىزەدى.
كەيىنىرەك, تۇركىستان وبلىسى اكىمىنىڭ ورىنباسارى ساكەن قالقامانوۆ ارىستا ىقشاماۋدان تۇرعىندارى ەۆاكۋاتسيالاناتىنىن حابارلادى.
