«ۇكىمەت باسشىسىنىڭ تاپسىرماسى بويىنشا 5,3 ملرد تەڭگە ءبولىندى, ونىڭ 1,9 ملرد تەڭگەسى ءشوپ ساتىپ الۋعا, ال قالعان 3,4 ملرد تەڭگە جەم ساتىپ الۋعا باعىتتالادى. وسىلايشا, وبلىستا قىس مەزگىلىنە ارنالعان جەم-ءشوپ قورىن قالىپتاستىرۋ جوسپارلانىپ وتىر. سونىمەن قاتار, ءار اۋداندا وپەراتورلار انىقتالدى, رەسپۋبليكانىڭ باسقا ايماقتارىنان ءشوپ تاسۋعا دايىندىق ءجۇرىپ جاتىر», دەپ جازىلعان حابارلامادا.
ايتا كەتەيىك, پرەمەر-مينيستر اسقار مامين جاقىندا ماڭعىستاۋ وبلىسىنا جاساعان ساپارىندا شارۋا قوجالىقتارىنا ءشوپتى قولجەتىمدى باعامەن ساتىپ الۋعا جانە جەتكىزۋگە قوسىمشا قاراجات بولىنەتىنىن ايتقان بولاتىن.
