قازاقستان • 06 تامىز، 2021

الماتىنىڭ تاۋ شىڭىنا ديماشتىڭ ەسىمىن بەرۋ ۇسىنىلدى

ىلە الاتاۋى تاۋلارىنداعى اتاۋسىز تاۋ شىڭدارىن ءاليا مولداعۇلوۆا مەن قاسىم قايسەنوۆ سەكىلدى قازاقستاننىڭ كورنەكتى تۇلعالارىنىڭ اتىمەن اتاۋ ۇسىنىلدى، دەپ حابارلايدى Egemen.kz TengriMIX-كە سايتىنا سىلتەمە جاساپ.

بوتاكوز باقبەرگەن

يدەيانىڭ باستاماشىلارى الماتى قالاسىنىڭ قورعانىس ىستەرى جونىندەگى دەپارتامەنتى مەن قر ۇقك شەكارا قىزمەتىنىڭ قولداۋىمەن «كيروۆ» اسكەري - پاتريوتتىق كلۋبىندا جاتتىعاتىن قورعانىس مينيسترلىگىنىڭ «جاس سارباز» قوزعالىسىنىڭ جاس اسكەري-بالالارى بولدى. ولار الماتى تاۋلارىندا اتى اتالماعان توعىز شىڭدى اشىپ، ولارعا ۇوس باتىرلارى مەن باسقا دا تانىمال قازاقستاندىقتاردىڭ ەسىمدەرىن بەرۋ تۋرالى ۇسىنىس جاسادى.

ء«بىز ءاليا مولداعۇلوۆانىڭ شىڭى نەگە جوق ەكەنىنە تاڭ قالدىق. بالالار ماعان وسى سۇراقتى قويعاندا نە دەپ جاۋاپ بەرەرىمدى بىلمەدىم. مەن بۇل مۇمكىن ەمەس دەپ ويلادىم. ولار اتاۋسىز شىڭداردى ىزدەي باستادى، كارتالاردى كوتەردى. ءبىز ءىستى تۇزەتۋ كەرەك دەپ ويلادىق»، دەدى كلۋب جەتەكشىسى باقىتجان پەرىمبەتوۆ.

جاس اسكەريلەر شىڭداردى حيۋاز دوسپانوۆا، ءاليا مولداعۇلوۆا، قاسىم قايسەنوۆ، ديماش قۇدايبەرگەن جانە باسقا دا كورنەكتى تۇلعالاردىڭ قۇرمەتىنە اتاۋ ءجوندى بولار دەگەن ويلارىن ءبىلدىردى.

شىڭدار

«مەنىڭ ويىمشا، ءبىزدىڭ داڭقتى وتانداستارىمىز بۇعان لايىقتى. اتاۋلار شىڭداردىڭ سۇلۋلىعى مەن بيىكتىگى بويىنشا تاڭدالدى، ولاردىڭ كەيبىرەۋلەرى ءتورت مىڭ مەتردەن اسادى»، دەدى ورتا مەكتەپ وقۋشىسى.

قازىر جاس اسكەريلەر كلۋب باسشىسىمەن بىرلەسىپ توعىز اتى جوق شىڭدارعا باعىت-باعدار ورناتۋمەن اينالىسۋدا. جاس ارمياشىلاردىڭ باستاماسىن ىسكە اسىرۋعا الماتىنىڭ اسكەري كوميتەتتەرى مەن مەكتەپتەرى قاتىسادى، ولار ءاربىر شىڭعا ورناتىلاتىن توت باسپايتىن بولاتتان جاسالعان تاقتايشالاردى دايىنداۋعا كومەكتەسەدى.

ءاربىر شىڭنىڭ ناقتى بيىكتىگىن بەلگىلەپ، كارتاعا دەرەكتەردى ەنگىزگەننەن كەيىن گەوگرافيالىق مالىمەتتەر ونوماستيكالىق كوميسسياعا اقپارات بەرەتىن اكىمدىككە جولدانادى.

ىلە الاتاۋى تاۋلارىنداعى شىڭدار ءوز اتاۋىن وسى جىلدىڭ قىركۇيەك ايىندا الادى دەپ كۇتىلۋدە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز