ء«تىل مادەنيەتتىڭ نەگىزگى ەلەمەنتى جانە ۇلت پەن ونىڭ بىرلىگىن قالىپتاستىرۋدىڭ مۇلتىكسىز شارتى بولىپ تابىلادى. قازاق ءتىلىن ساقتاۋ جانە دامىتۋ ءبىزدىڭ مەملەكەتىمىزدىڭ مادەني ساياساتىنىڭ اسا ماڭىزدى مىندەتىن قۇرايدى. سىزدەر دە مەملەكەتتىك ءتىلدىڭ ساقتالۋى مەن دامۋىنا باعا جەتپەس ۇلەس قوسىپ وتىرسىزدار», دەدى ءتىل ساياساتى كوميتەتىنىڭ توراعاسى ادىلبەك قابا.
قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ شەڭبەرىندە وتكىزىلگەن اكتسياعا ەلىمىزدىڭ 14 وڭىرىنەن 171 ادام قاتىستى.
19 ەتنوس وكىلدەرى بەلگىلى قازاق اقىندارىنىڭ تۋعان ەل, تۋعان جەر, انا ءتىلى تاقىرىبىنداعى جىر جاۋھارلارىنان ۇزىندىلەردى مانەرلەپ جاتقا وقىدى.
ءوز ولەڭدەرىن وقىعان دارىندى قاتىسۋشىلار دا بولدى.
قاتىسۋشىلار اراسىندا ورىس ۇلتىنىڭ وكىلدەرى باسىم – 70 قاتىسۋشى. وزبەك, تاتار, دۇنگەن, كۇرد, نەمىس, ازەربايجان ۇلتتارىنىڭ وكىلدەرى دە بەلسەندى قاتىسۋشىلاردىڭ قاتارىندا بولدى.
شاراعا قاتىسۋشىلاردىڭ باسىم كوپشىلىگى قوستاناي, جامبىل, تۇركىستان, قاراعاندى, اقتوبە وبلىستارىنان.
بارلىق ماتەريالداردى مۇقيات زەردەلەگەن قازىلار القاسىنىڭ شەشىمىمەن سامەتوۆا حاميدا (شقو), كوچەتكوۆا گالينا (اقتوبە وبل), كەفەر ولگا (اقتوبە وبل), كورچەمكينا اننا (بقو), ادەەۆا ماسرۋر (شىمكەنت ق.) اكتسيا جەڭىمپازدارى بولىپ تانىلدى.
ىنتالاندىرۋ ديپلومدارىمەن ۆيكتوريا دوروشكو (قوستاناي وبل), ماريام توچيەۆا (اقمولا وبل), كاحرابو يۋلداشەۆا (نۇر-سۇلتان ق.), انيۋتا ترەگۋب (اقتوبە وبل), اناستاسيا گروسس (شقو), ينديرا بەلسكايا (شقو), ماجيت گەرفانوۆ (قوستاناي وبل), سۆەتلانا تاراسوۆا (نۇر-سۇلتان ق.) ماراپاتتالدى.
ەستەرىڭىزگە سالا كەتەيىك, اكتسيانىڭ 5-8 سىنىپ وقۋشىلارى اراسىندا وتكەن ءى كەزەڭىنە 22 ەتنوستان 326 ادام قاتىستى.
9-11 سىنىپ وقۋشىلارى مەن كوللەدج ستۋدەنتتەرى اراسىندا وتكەن ءىى كەزەڭگە 14 ەتنوستان 213 ادام قاتىستى.
كەلەسى كەزەڭ 6 تامىز بەن 6 قىركۇيەك ارالىعىندا قۇقىق قورعاۋ, ىشكى ىستەر ورگاندارى وكىلدەرىنىڭ اراسىندا وتەدى.
قاتىسۋشىلاردىڭ ماتەريالدارى Instagram جەلىسىندە #مەنقازاقشاسويلەيمىن2021 حەشتەگى بويىنشا قاراۋعا بولادى.
