جەكە تۇلعالاردىڭ ەمحاناعا تىركەلۋى ولارعا تمككك (تەگىن مەديتسينالىق كومەكتىڭ كەپىلدىك بەرىلگەن كولەمىن) اياسىندا جانە ءمامس (مىندەتتى الەۋمەتتىك-مەديتسينالىق ساقتاندىرۋ) جۇيەسىندە جەكە سايكەستەندىرۋ ءنومىرى ارقىلى العاشقى مەديتسينالىق-سانيتارلىق كومەكتى الۋعا مۇمكىندىك بەرەدى.
بۇيرىقتا كورسەتىلگەندەي, تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا ازاماتتارعا ۇسىنىلاتىن العاشقى مەديتسينالىق-سانيتارلىق كومەك ەل ازاماتتارىمەن قاتار قانداستارعا, بوسقىندارعا, شەتەل ازاماتتارى مەن قازاقستاندا تۇراقتى تۇراتىن ازاماتتارعا كەلىسىمشارت اياسىندا كورسەتىلەدى.
«جەكە تۇلعا ەمحاناعا نەمەسە مەديتسينالىق ورتالىققا تىركەلگەن كەزدە, وسىعان دەيىنگى مەديتسينالىق قىزمەت العان مەكەمەدەن اۆتوماتتى تۇردە شىعارىلادى», دەلىنگەن بۇيرىقتا.
سونداي-اق ازاماتتارعا ەمحانانى تاڭداۋ مۇمكىندىگى بەرىلىپ, تۇراقتى جانە ۋاقىتشا مەكەنجاي بويىنشا سول ەمحاناعا تىركەلە الادى. سول سياقتى ازاماتتار ەمحاناعا «ەلەكتروندى ۇكىمەت» ۆەب-پورتالى ارقىلى ءوتىنىش بەرىپ, وزدىگىنەن تىركەلە الادى. ەمحانا ازاماتتارعا قاتىستى جەكە مالىمەتتەردى ءتيىستى مەملەكەتتىك اقپاراتتىق جۇيەدەن الادى.
