سىرتقى ىستەر ءمينيسترى ەرلان ىدىرىسوۆتىڭ باسشىلىعىمەن كونسۋلتاتيۆتى-كەڭەس ورگانىنىڭ (ككو) «ادامي ولشەم بويىنشا ۇنقاتىسۋ الاڭى» پلەنارلىق ءماجىلىسى ءوتتى. ءماجىلىس بارىسىندا قاتىسۋشىلار 2013 جىلعى جۇمىستاردىڭ قورىتىندىسىن جان-جاقتى تالقىلاپ, 2014 جىلى جاسالاتىن جۇمىستاردىڭ باستى باعىتتارىن انىقتادى, دەپ حابارلادى قر ءسىم-ءىنىڭ ءباسپاسوز قىزمەتى.
سىرتقى ىستەر ءمينيسترى ەرلان ىدىرىسوۆتىڭ باسشىلىعىمەن كونسۋلتاتيۆتى-كەڭەس ورگانىنىڭ (ككو) «ادامي ولشەم بويىنشا ۇنقاتىسۋ الاڭى» پلەنارلىق ءماجىلىسى ءوتتى. ءماجىلىس بارىسىندا قاتىسۋشىلار 2013 جىلعى جۇمىستاردىڭ قورىتىندىسىن جان-جاقتى تالقىلاپ, 2014 جىلى جاسالاتىن جۇمىستاردىڭ باستى باعىتتارىن انىقتادى, دەپ حابارلادى قر ءسىم-ءىنىڭ ءباسپاسوز قىزمەتى.
بىلتىر ككو مۇشەلەرى التى تاقىرىپتىق كەزدەسۋ وتكىزىپ, ناتيجەسىندە دەموكراتيانى دامىتۋ, قۇقىقتىڭ ۇستەمدىگى مەن ادامنىڭ جەكە قۇقىقتارى مەن بوستاندىعىن قامتاماسىز ەتۋ ماسەلەلەرى بويىنشا 157 ۇسىنىس قابىلدانىپتى. ۇسىنىستار ەلدەگى دەموكراتيالىق جۇيەنى ودان ءارى جەتىلدىرۋ ىسىندە ازاماتتىق سەكتور, ۇكىمەت پەن پارلامەنت اراسىنداعى ءوزارا ءىس-ارەكەتتى وڭتايلاندىرۋعا باعىتتالعان. بارلىق ۇسىنىستار ەلباسىنىڭ «2050» ستراتەگياسىندا بەلگىلەنگەن قازاقستاننىڭ ساياسي دامۋىنىڭ باسىمدىقتارىنا, سونداي-اق, ادام قۇقىعى جانە دەموكراتيا سالاسىنداعى حالىقارالىق مىندەتتەمەلەرگە سايكەس قالىپتاستىرىلىپتى. 157 ۇسىنىستىڭ جارتىسىنان كوبى ماقۇلدانىپ, اتقارۋشى ورگاندار مەن پارلامەنت جۇمىستارىندا ەسكەرىلگەن. قالعان ۇسىنىستار بويىنشا وسى باستالعان جىلى جۇمىس جاسالاتىن بولادى.
كەزدەسۋگە قاتىسۋشىلار كونسۋلتاتيۆتى-كەڭەس ورگانىنىڭ 2014 جىلعا ارنالعان جوسپارىن ماقۇلدادى. جوسپارعا ءسايكەس, ۇنقاتىسۋ الاڭىنىڭ توقسانارالىق كەزدەسۋلەرىندە ماقۇلدانعان ۇسىنىستاردى ىسكە اسىرۋ مەحانيزمىن ىسكە قوسۋ, قازاقستاننىڭ ساياسي دامۋى جونىندە قوسىمشا ماسەلەلەردى تالقىلاۋ, 2013 جىلعى ۇسىنىستاردىڭ رەۆيزياسىن وتكىزۋ, سونىمەن قوسا, پارلامەنت, مينيسترلىكتەرمەن جانە ۆەدومستۆولارمەن قازاقستاننىڭ ۇلتتىق زاڭناماسىن ودان ءارى جەتىلدىرۋ بويىنشا ىنتىماقتاستىقتى نىعايتۋ كوزدەلگەن.
كەزدەسۋ قورىتىندىسى بويىنشا, ە.ىدىرىسوۆ ۇكىمەتتىك ورگانداردىڭ, سوتتىڭ, زاڭنامالىق بيلىكتىڭ جانە ازاماتتىق قوعامنىڭ بىرلەسكەن ءبىر جىلدىق جۇمىسى ءوز جەمىسىن بەرگەنىن اتاپ ءوتتى. كونسۋلتاتيۆتى-كەڭەس ورگانىنىڭ قاتىسۋشىلارى اراسىندا «تەك قانا تىڭداۋ ەمەس, سونىمەن قوسا, ەستۋگە» نەگىزدەلگەن ءوزارا ىنتىماقتاستىقتىڭ جاڭا مادەنيەتى قالىپتاسا باستادى. ءدال وسىنداي كوزقاراس ساياسي ۇدەرىستىڭ بارلىق قاتىسۋشىلارىنا بىرلەسكەن كۇش-جىگەر ارقىلى قازاقستاننىڭ تۇراقتى ءارى سەرپىندى دامۋىنا, سونىمەن قاتار, كونسۋلتاتيۆتى-كەڭەس ورگانىنىڭ 2014 جىلعى جۇمىسىن ءتيىمدى قامتاماسىز ەتۋگە مۇمكىندىك بەرەدى.
