«كەتكەن كەمشىلىكتەرمەن مىندەتتى تۇردە جۇمىس جاسايتىن بولامىز. بۇل ماسەلەدە بوكسشىلارمەن قاتار جاتتىقتىرۋشىلارمەن دە جۇمىس جاسايمىز. جالپى ءبىز باس باپكەردى تاعايىنداعاندا وعان بار جاۋاپكەرشىلىكتى جۇكتەيمىز. ارينە, باپكەردەن بولەك, سپورتشىعا دا بايلانىستى. بوكسشىلار ساكەن بيبوسىنوۆ سەكىلدى الاڭعا شىققاننان سوڭ سوڭىنا دەيىن كۇرەسۋى ءتيىس. ياعني جاتتىعۋ كەستەسى مەن رەجىمدى ازىرلەپ جوسپار قۇرادى, ال سپورتشى سوعان سايكەس ءتيىستى دەڭگەيدە جاتتىعىپ, بار كۇش-جىگەرىن سالۋى قاجەت», دەدى سەرىك ساپيەۆ ورتالىق كوممۋنيكاتسيالار قىزمەتىندە ونلاين وتكەن ءباسپاسوز ءماسليحاتىندا.
كوميتەت باسشىسى وليمپيادا ويىندارى اياقتالعان سوڭ ونى قورىتىندىلاۋعا ارنالعان جيىننىڭ وتەتىنىن مالىمدەدى.
ء«ار وليمپيادا ويىندارى مارەسىنە جەتكەن سوڭ, سپورشىلار, جاتتىقتىرۋشىلار, ۇلتتىق وليمپيادا كوميتەتى, سپورت فەدەراتسيالارى وكىلدەرىنىڭ قاتىسۋىمەن كەڭەيتىلگەن وتىرىس وتەدى. سول جەردە ماسەلە كەڭىنەن قارالىپ, قاجەت بولعان جاعدايدا باس باپكەر مەن جاتتىقتىرۋشىلار قايتا تاعايىندالادى. وسى جولى دا توكيو وليمپيداسىنان سوڭ كەزەكتى جيىن وتكىزىپ, جىبەرىلگەن قاتەلىك, كەمشىلىكتەردى قارايمىز», دەدى ول.
