ورال پوليتەحنيكالىق كوللەدجى 2012 جىلى تەحنيكالىق جانە كاسىپتىك ءبىلىمدى جاڭعىرتۋ جوباسى اياسىندا ينستيتۋتتىق دامۋ جوسپارىن ۇسىنىپ, «ىشكى سانيتارلىق-تەحنيكالىق قوندىرعىلاردى, جەلدەتكىشتەردى جانە ينجەنەرلىك جۇيەلەردى قۇراستىرۋ جانە پايدالانۋ» ماماندىعى بويىنشا گرانت يەلەنگەن وبلىسىمىزداعى بىردەن-ءبىر وقۋ ورنى.
ورال پوليتەحنيكالىق كوللەدجى 2012 جىلى تەحنيكالىق جانە كاسىپتىك ءبىلىمدى جاڭعىرتۋ جوباسى اياسىندا ينستيتۋتتىق دامۋ جوسپارىن ۇسىنىپ, «ىشكى سانيتارلىق-تەحنيكالىق قوندىرعىلاردى, جەلدەتكىشتەردى جانە ينجەنەرلىك جۇيەلەردى قۇراستىرۋ جانە پايدالانۋ» ماماندىعى بويىنشا گرانت يەلەنگەن وبلىسىمىزداعى بىردەن-ءبىر وقۋ ورنى.
اتالمىش كوللەدج 1956 جىلدان بەرى باتىس قازاقستان وبلىسىندا قۇرىلىس سالاسىنىڭ ماماندارىن دايارلاپ كەلە جاتقان تاريحى تەرەڭ وقۋ ورداسى بولىپ تابىلادى. وسى ۋاقىت ىشىندە مۇندا گاز-ەلەكترمەن دانەكەرلەۋشى, قۇرىلىس شەبەرى, اۆتوكولىك جوندەۋشى سلەسار, كراندى اۆتوكولىك ءماشينيسى, ەلەكترمونتاجداۋشى, سىلاقشى, سىرلاۋشى, ارلەۋ قۇرىلىس جۇمىستارىنىڭ شەبەرى, تەحنيك-قۇرىلىسشى ماماندىقتارىنىڭ قىر-سىرىن يگەرگەن 13 000-نان استام جاس تۇلەكتەر ۇلكەن ومىرگە جولداما الدى.
كوللەدجدە بۇگىنگى تاڭدا 750 وقۋشىعا 42 وقىتۋشى مەن 28 وندىرىستىك وقىتۋ شەبەرلەرىنەن تۇراتىن ينجەنەر-پەداگوگيكالىق قىزمەتكەرلەر ءبىلىم بەرۋدە. باسەكەگە قابىلەتتى مامان دايارلاۋ ءۇشىن كوللەدجدە بارلىق جاعداي جاسالعان. 25 وقۋ كابينەتى, 7 وندىرىستىك وقۋ شەبەرحاناسى, 2 زەرتحانا سوڭعى ۇلگىدەگى قۇرال-جابدىقتارمەن قامتاماسىز ەتىلگەن.
ينستيتۋتتىق دامۋ جوسپارىن جۇزەگە اسىرۋ ماقساتىندا كوللەدجدە ەلەكتر-گازبەن دانەكەرلەۋشى زەرتحاناسى جابدىقتالدى جانە جاڭا تەحنولوگيالى ءپىسىرۋ اپپاراتتارى, لسد پانەل, مۋلتيمەديالىق مىنبەر, كومپيۋتەرلەر الىنىپ, كوللەدجدىڭ ماتەريالدىق-تەحنيكالىق بازاسى دا نىعايا ءتۇستى. وسى جىلدىڭ قاراشا ايىندا جوبا اياسىندا وسى وقۋ ورنىنىڭ ادىسكەرى, 2 ارنايى ءپان وقىتۋشىسى جانە 2 وندىرىستىك وقۋ شەبەرى استانا قالاسىنداعى «تۇران-پروفي» حالىقارالىق كاسىپتىك اكادەمياسى ارقىلى بەلارۋس رەسپۋبليكاسىنىڭ مينسك قالاسىنا بارىپ, «قۇزىرەتتىلىككە باعىتتالعان مودۋلدىك وقۋ باعدارلامالارىن قۇراستىرۋ» تاقىرىبىندا بىلىكتىلىك ارتتىرۋ كۋرسىنان ءوتىپ كەلدى جانە گرانت يەلەنگەن «ىشكى سانيتارلىق-تەحنيكالىق قوندىرعىلاردى, جەلدەتكىشتەردى جانە ينجەنەرلىك جۇيەلەردى قۇراستىرۋ جانە پايدالانۋ» ماماندىعى بويىنشا مودۋلدىك وقۋ باعدارلامالارىن جاساۋدى جالعاستىرۋدا.
تەحنيكالىق جانە كاسىپتىك ءبىلىمدى جاڭعىرتۋ جوباسى كوللەدجدىڭ بولاشاعىنىڭ جارقىن بولۋىنىڭ العىشارتى دەۋگە بولادى. ويتكەنى, ينستيتۋتتىق دامۋ جوسپارىنداعى ءبىزدىڭ باستى ماقساتىمىز – باسەكەگە قابىلەتتى بىلىكتى مامان دايارلايتىن ايماقتاعى جەتەكشى وقۋ ورنى دارەجەسىنە جەتۋ. ال ماقسات ايقىن بولسا, الار اسۋ دا الىس ەمەس ەكەندىگى انىق.
گ.تۋرەشوۆا,
ورال پوليتەحنيكالىق كوللەدجى ادىسكەرى.
باتىس قازاقستان وبلىسى.
