الەم • 05 تامىز، 2021

ەو جوعارعى وكىلى بەلورۋسيانى ايىپتادى

10 رەت كورسەتىلدى

ەۋروپالىق وداقتىڭ (ەو) سىرتقى ىستەر جانە قاۋىپسىزدىك ساياساتى جونىندەگى جوعارى وكىلى جوزەپ بوررەل بەلارۋسيا وليمپيادا بىتىمگەرشىلىگىن بۇزدى دەپ ايىپتادى، دەپ حابارلايدى Egemen.kz.

«سپورتشى كريستينا تيمانوۆسكايانىڭ پولشاعا امان-ەسەن كەلگەنىنە كوزىم جەتكەندە مەن تىنىشتالدىم. سونىمەن بىرگە، تاعى ءبىر نامىسقوي بەلارۋستىك ايەل لۋكاشەنكو رەجيمىنىڭ ارەكەتى مەن وليمپيادا بىتىمگەرشىلىگىنىڭ بۇزىلۋىنا بايلانىستى ءوز ەلىنەن كەتۋگە ءماجبۇر بولدى»، دەدى بوررەل.

وليمپيادا بىتىمگەرشىلىگى - ءبىزدىڭ زامانىمىزدان بۇرىنعى 8 عاسىردا وليمپيادا ويىندارى داستۇرىمەن بايلانىستى ەسكى گرەك ءداستۇرى. 1992 جىلى حالىقارالىق وليمپيادا كوميتەتى بارلىق مەملەكەتتى وسى كەلىسىمدى ساقتاۋعا شاقىرىپ، ءداستۇردى جانداندىردى. ناتيجەسىندە، ءتيىستى قارار 1993 جىلى قازاندا بۇۇ باس اسسامبلەياسىندا قابىلداندى.

ەستەرىڭىزگە سالا كەتەيىك، سپورتشى كريستينا تيمانوۆسكايا بەلارۋس جاتتىقتىرۋشىلارىن سىنعا العاننان كەيىن ونى ەركىنەن تىس ەلگە اكەتۋگە تىرىسقان. الايدا، بەلارۋس تاراپىنىڭ ارەكەتىنە جاپون پوليتسياسى كەدەرگى كەلتىردى. ناتيجەسىندە سپورتشى پولشادان پانا تاپتى.

سوڭعى جاڭالىقتار

ۇقساس جاڭالىقتار