اعىمداعى جىلدىڭ 10 قاڭتارىندا «قازاقستان» كونتسەرت زالىندا قازاقستان رەسپۋبليكاسى ءىىم ىشكى اسكەرلەرى ورتالىق وركەسترى مەن ءان-بي ءانسامبلىنىڭ ءداستۇرلى گالا-كونتسەرتى ءوتتى. بۇل جولعى كونتسەرتتىك باعدارلاما «قازاقستان مەنىڭ جۇرەگىمدە!» دەپ اتالدى. جينالعان جۇرتتى جالىندى ءان-جىرمەن جىگەرلەندىرگەن مەرەكەلىك شارا ءىىم ىشكى اسكەرلەرىنىڭ قۇرىلعانىنا وراي ۇيىمداستىرىلدى. سەبەبى, ءدال سول كۇنى, ياعني 10 قاڭتاردا ەلىمىزدەگى ىرگەلى كۇش-قۇرىلىمداردىڭ ءبىرى – قازاقستان رەسپۋبليكاسى ءىىم ىشكى اسكەرلەرىنە 22 جىل تولدى.
اعىمداعى جىلدىڭ 10 قاڭتارىندا «قازاقستان» كونتسەرت زالىندا قازاقستان رەسپۋبليكاسى ءىىم ىشكى اسكەرلەرى ورتالىق وركەسترى مەن ءان-بي ءانسامبلىنىڭ ءداستۇرلى گالا-كونتسەرتى ءوتتى. بۇل جولعى كونتسەرتتىك باعدارلاما «قازاقستان مەنىڭ جۇرەگىمدە!» دەپ اتالدى. جينالعان جۇرتتى جالىندى ءان-جىرمەن جىگەرلەندىرگەن مەرەكەلىك شارا ءىىم ىشكى اسكەرلەرىنىڭ قۇرىلعانىنا وراي ۇيىمداستىرىلدى. سەبەبى, ءدال سول كۇنى, ياعني 10 قاڭتاردا ەلىمىزدەگى ىرگەلى كۇش-قۇرىلىمداردىڭ ءبىرى – قازاقستان رەسپۋبليكاسى ءىىم ىشكى اسكەرلەرىنە 22 جىل تولدى.
ەلباسى – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆ 1992 جىلدىڭ 10 قاڭتارىندا ىشكى اسكەرلەردى قۇرۋ تۋرالى جارلىققا قول قويعان بولاتىن. مىنە, سول كەزدەن باستاپ ىشكى اسكەرلەر جاۋىنگەرلەرى وزدەرىنە جۇكتەلگەن مىندەت-تالاپتى ابىرويمەن ارقالاپ كەلەدى. 1998 جىلى 11 شiلدەدە ەلباسى ىشكi اسكەرلەر قولباسشىلىعىنىڭ باس باسقارماسىندا بولىپ, استانالىق گارنيزوننىڭ ەكi اسكەري بولiمiنە جاۋىنگەرلiك تۋلارىن تاپسىرىپ تۇرىپ: «مەن ەلiمiزدiڭ جوعارعى باس قولباسشىسى رەتiندە قىزمەتتەرiڭiزدiڭ جاقسى جاعدايدا وتۋiنە جانە iشكi اسكەردiڭ قامتاماسىز ەتiلۋi لايىقتى دەڭگەيدە بولۋىنا قامقورلىق جاساۋعا تىرىسامىن», – دەگەن ەدى. قۋاتتى ەلدىڭ قاۋىپسىزدىگىنە كەپىل بەرەر كۇش قۇرىلىمىنا بەرىلگەن ءسوز جەردە قالمادى. مەملەكەت باسشىسى – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆ ىشكى اسكەردىڭ كۇش-قۋاتىن جەتىلدىرۋ مەن دامىتۋعا ۇدايى كوڭىل ءبولىپ كەلەدى.
قازىرگى تاڭدا مىقتى ماتەريالدىق-تەحنيكالىق بازامەن قامتاماسىز ەتىلگەن ىشكى اسكەردىڭ جاۋىنگەرلىك جانە ساندىق قۇرامى ۇلتتىق قاۋىپسىزدىك ستراتەگياسى تالاپتارىنا ساي. ەلىمىزدىڭ ىشكى اسكەرى ستراتەگيالىق ماڭىزدى, ونىڭ ىشىندە, يادرولىق نىساندار, ارنايى جۇكتەردى تاسىمالداۋ كۇزەتىن قامتاماسىز ەتەدى. ىشكى اسكەر, سونداي-اق, ىشكى ىستەر مينيسترلىگىنىڭ قىلمىستىق-اتقارۋ جۇيەسىنە قاراستى 50 تۇزەۋ مەكەمەسىن كۇزەتىپ, ىشكى ىستەر ورگاندارىنىڭ پوليتسيا قىزمەتكەرلەرىمەن بىرگە ەلىمىزدىڭ 19 ءىرى قالاسىنداعى قوعامدىق ءتارتىپتىڭ كۇزەتىندە تۇرادى.
تەمىردەي ءتوزىمدى تالاپ ەتەتىن جاۋاپكەرشىلىگى مول جاۋىنگەرلىك جولدا كاسىبي بىلىكتىلىك پەن شەبەرلىكتەرىمەن العى شەپكە شىققان اسكەردىڭ داڭقى جىلدان-جىلعا ارتىپ كەلەتىنىن دە ايتا كەتكەن ءجون. بۇل سوزىمىزگە جوعارى مەملەكەتتىك ماراپاتتارعا يە بولعان 130-دان استام اسكەري قىزمەتشى مەن تاۋەلسىزدىگىمىزدى ءتاۋ ەتكەن 22 جىل ىشىندە مەملەكەت باسشىسىنىڭ ءوز قولىنان اسكەردىڭ 22 ساردارى «گەنەرال» جوعارى اسكەري اتاعىن العانى ايعاق بولا الادى.
ىشكى اسكەردىڭ تاعى ءبىر ۇلكەن ماقتانىشى – الەمدىك ءدۇبىرلى دودالاردا نامىستى قولدان بەرمەي جۇرگەن سپورت ساڭلاقتارى. ساناۋلى كۇندەردەن كەيىن باستالاتىن سوچيدەگى قىسقى وليمپيا ويىندارىندا ءىىم ءىا-ءنىڭ 14 سپورتشىسى باقتارىن سىناماق. ولاردىڭ الدىڭعى قاتارىندا الەكسەي پولتورانين, ەلەنا حرۋستالەۆا, دەنيس تەن, دميتري رەيحارد, يۋليا گالىشەۆا سەكىلدى ۇزدىكتەر بار. ەستەرىڭىزدە بولسا, وتكەن جىلى لوندوندا ءوتكەن وليمپيا ويىندارىندا قازاقستاننىڭ قۇراما كومانداسى 13 مەدالعا قول جەتكىزگەن بولاتىن. وسى جەڭىستىڭ التاۋىن ىشكى اسكەر سپورتى-ساربازى قانجىعالارىنا بايلاپ قايتقان ەدى.
ەلىمىز ەگەمەندىگىن جاريالاعاننان 26 كۇننەن كەيىن قۇرىلىپ, بۇگىنگە دەيىن ەگەمەندىگىمىزبەن بىرگە ەسەيىپ, سىن مەن سىناققا تولى كۇردەلى جولدان وتكەن ىشكى اسكەرلەر ءتول مەرەكەلەرىن جوعارى دەڭگەيدە اتاپ ءوتتى. اتاۋلى داتاعا وراي ۇيىمداستىرىلعان سالتاناتتى شارا قاسيەتتى جۇما كۇنى ىشكى اسكەرلەر باس قولباسشىلىعىندا باستاۋ الدى. شارانىڭ رەسمي بولىگىندە قازاقستان رەسپۋبليكاسى ىشكى ىستەر ءمينيسترى, پوليتسيا گەنەرال-لەيتەنانتى قالمۇحانبەت قاسىموۆ پەن ىشكى اسكەرلەر باس قولباسشىسى, گەنەرال-مايور رۋسلان جاقسىلىقوۆتىڭ بۇيرىعىمەن اعا بۋىن ءداستۇرىن جالعاستىرىپ, قىزمەتتىك مىندەتتەرىن ادال ورىنداپ جۇرگەن ءبىرقاتار وفيتسەرلەر مەن كەلىسىمشارت بويىنشا اسكەري قىزمەتشىلەر ماراپاتتالدى. ءدال وسى كۇنى 6636 مەن 3660 اسكەري بولىمدەرىندە قاتارعا جاڭا قوسىلعان 400-گە جۋىق جاس سارباز سالتاناتتى تۇردە اسكەري انت قابىلدادى.
ال, قازاقستان رەسپۋبليكاسىنىڭ مادەنيەت قايراتكەرى, پولكوۆنيك راحمەتجان شامۇراتوۆتىڭ جەتەكشىلىگىمەن وتكەن كونتسەرتتىك باعدارلامادا ەستاي مۇقاشەۆ, مۇرات ەرعازيەۆ, مارجان اراپباەۆا, ەدىل قۇسايىنوۆ, عايني جۇماشەۆا سەكىلدى ەلگە تانىمال انشىلەر ونەر كورسەتتى.
«قازاقستان مەنىڭ جۇرەگىمدە!» ۇلتتىق ونەردەن باستاۋ الىپ, كۇمبىرلەگەن كۇيمەن كومكەرىلگەن, قازىرگى ەسترادالىق اندەرمەن ءورىلىپ, الەم حالىقتارىنىڭ مىڭ بۇرالعان بيلەرىمەن اسپەتتەلگەن جاراسىمدى كەش بولدى. ادەمى ازىلگە دە, جاس بۋىننىڭ جاڭا باعىتتاعى ءان مەن بيىنە دە ورىن تابا بىلگەن كونتسەرتتە جينالعان جۇرت ەستاي مۇقاشەۆ, راحمەتجان شامۇراتوۆ پەن ۆيكتور ياشنوۆسكيدىڭ ورىنداۋلارىنداعى ا.روزەنباۋمنىڭ «ۆەچەرنيايا زاستولنايا», انسامبل ءانشىسى باۋىرجان تۇرعۇمباەۆ جۇرەكپەن شىرقاعان «وفيتسەر مىرزالار» اندەرىنە ەرەكشە قوشەمەت ءبىلدىردى. ىشكى اسكەردىڭ بەت-بەينەسىن, تىنىس-تىرشىلىگىن عانا ەمەس, رۋحتى وياتاتىن جالىندى جىرلار توگىلگەن كەشتىڭ شىمىلدىعىن كونتسەرتكە قاتىسۋشىلاردىڭ بارلىعى «ەلدىڭ قورعانى» انىمەن جاپتى.
دەپۋتاتتار, استانا اكىمدىگى, ىشكى ىستەر مينيسترلىگى ورتالىق اپپاراتىنىڭ باسشىلارى, ىشكى اسكەرلەر باس قولباسشىلىعى مەن ىشكى اسكەرلەر ارداگەرلەرى, سونداي-اق, ەلىمىزدىڭ ءار وڭىرىنەن كەلگەن ساربازداردىڭ وتباسى مەن تۋعان-تۋىستارى الدىندا پاتريوتتىق اسقاق رۋح, ءور نامىس جايلى ءان-جىرلارىن ۇسىنعان ساربازدار ساپتا عانا ەمەس, كيەلى ساحنا تورىندە دە قۋاتتى ەكەندىكتەرىن تاعى ءبىر دالەلدەپ بەردى.
بانۋ راحىمبايقىزى,
جۋرناليست.
