ەسەپكە قويۋ كەزىندە اۆتو حقو وپەراتورلارى جاڭا كولىك قۇرالدارىنىڭ تىركەۋىن جۇرگىزە الماي وتىر. اتاپ ايتقاندا, كەدەننىڭ دەرەكتەر بازاسىنداعى اقاۋ سالدارىنان مەملەكەتتىك ورگان وتىنىشتەردى كەرى قايتارىپ جاتىر.
«اقاۋعا بايلانىستى جاڭا كولىك قۇرالدارىن ەسەپكە قويۋ قىزمەتى قولجەتىمسىز. بۇل ازاماتتاردىڭ تىكەلەي اۆتوسالونداردان ساتىپ الاتىن جاڭا كولىكتەرگە قاتىستى. جاۋاپتى ورگان اقپاراتتىق جۇيەنى قالپىنا كەلتىرۋ جۇمىستارىن جۇرگىزىپ جاتىر. كەلتىرىلگەن قولايسىزدىقتار ءۇشىن ازاماتتاردان كەشىرىم سۇرايمىز», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ سەرۆيس جونىندەگى باسقارۋشى ديرەكتورى باقتيار مۇحامەتقاليەۆ.
جۇيەنىڭ قالپىنا كەلگەنى جانە جاڭا اۆتوكولىكتەردى تىركەۋ قىزمەتىنىڭ جاندانۋى تۋرالى اقپارات قوسىمشا حابارلاناتىن بولادى.
