تامىزدىڭ 3-4 ارالىعىندا مونيتورينگ توپتارى ەلورداداعى 16 مەكەمەنى اكىمشىلىك جاۋاپكەرشىلىككە تارتتى. الماتى اۋدانىندا «رىبا موەي مەچتى» كاراوكە كلۋبى كارانتين رەجيمىن ساقتاماي جۇمىس ىستەدى. ەرتەڭىندە وسى جاعداي «Mansion» كاراوكە بارىندا دا انىقتالدى.
ماسكا رەجيمىن ساقتاماۋ, الەۋمەتتىك قاشىق پەن كارانتين رەجيمىن ساقتاماۋ بايقوڭىر اۋدانىنىڭ 4 مەكەمەسىندە انىقتالدى. بۇل ء«امىر» بازارى, «12 اي» دۇكەنى, «Boroda» جانە «Muller» بارلارى.
4 تامىزدا تاعى ەكى مەكەمە - «Small» دۇكەنى مەن «مياتا» لاۋندج بارى باس سانيتار دارىگەرىنىڭ قاۋلىسىن بۇزعان. سارىارقا اۋدانىندا 2 كۇن ىشىندە مونيتورينگ توپتارى «سامۇرىق» ءدامحاناسى مەن «سەمەينايا» مونشاسىندا, سونداي-اق «شاشلىك نا نابەرەجنوي» جانە «Playstation Club» كافەلەرىندە بۇزۋشىلىقتاردى انىقتادى.
جۇمىس رەجيمىن بۇزۋ, جازعى ءدامحانانىڭ جۇمىس ىستەۋى, كەلۋشىلەر مەن اكىمشىلىك قىزمەتكەرلەردىڭ بەتپەردە رەجيمىن ساقتاماۋى, سونداي-اق الەۋمەتتىك قاشىقتى ساقتاماۋ ەسىل اۋدانىنداعى «Lavash Food» فاست-فۋد پۋنكتىندە, «پاناەحالي», «باحابار» بارلارىندا جانە «Gold Game» كومپيۋتەر كلۋبىندا انىقتالدى. ءتارتىپ بۇزۋشىلارعا قاتىستى جينالعان ماتەريالدار ءتيىستى شارالار قابىلداۋ ءۇشىن سانيتاريالىق-ەپيدەميولوگيالىق باقىلاۋ سالاسىنداعى ۋاكىلەتتى ورگانعا بەرىلدى.
ەسكە سالا كەتسەك, نۇر-سۇلتانداعى ەپيدەميولوگيالىق جاعداي قۇبىلمالى, تاۋلىك سايىن قالادا كۆي جۇقتىرۋعا قاتىستى 1,3 مىڭ جاعدايى انىقتالادى, كوروناۆيرۋس جۇقتىرىپ, اۋىر جاعدايدا 300-گە جۋىق ادام اۋرۋحاناعا جاتقىزىلدى.
