قازاقستان • 05 تامىز، 2021

مەديا ولشەۋ جۇيەسىن دامىتۋعا ارنالعان ونلاين-كونفەرەنتسيا ءوتتى

16 رەت كورسەتىلدى

قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆتىڭ توراعالىعىمەن قازاقستانداعى مەديا ولشەۋ جۇيەسىن دامىتۋ ماسەلەلەرىنە ارنالعان ونلاين-كونفەرەنتسيا وتكىزىلدى، دەپ حابارلايدى Egemen.kz.

ءىس-شاراعا قازاقستاندىق تەلەارنالاردىڭ، جارناما ساتۋشىلاردىڭ، سالالىق قاۋىمداستىقتاردىڭ، زەرتتەۋ كومپانيالارىنىڭ وكىلدەرى، سونداي-اق مەديا سالاسىنىڭ ساراپشىلارى قاتىستى.

جىل سايىن مينيسترلىكتىڭ قولداۋىمەن وتكىزىلىپ كەلە جاتقان مەديا ولشەۋ جۇيەسىن جەتىلدىرۋ جۇمىستارىنىڭ ارالىق قورىتىندىسى شىعارىلدى.

ۆيتسە-مينيستر ولشەۋ پانەلدەرىنىڭ ينتەگراتسيالانۋىنىڭ ارقاسىندا 2021 جىلعى مامىردا مينيسترلىكتىڭ سايتىندا ونلاين-سەرۆيس ىسكە قوسىلعانىن اتاپ ءوتتى. اتالعان سەرۆيستە كەز كەلگەن ادام ناقتى ۋاقىت رەجيمىندە تەلە ولشەمدەردىڭ جەدەل دەرەكتەرىمەن تانىسا الادى.

«اۋىلدىق ەلدى مەكەندەردى تەلەولشەۋمەن قامتۋ ماسەلەسى پىسىقتالۋدا»، دەدى كەمەلبەك ويشىباەۆ.

كونفەرەنتسيا بارىسىندا قر اقدم ءبىرىنشى جارتىجىلدىقتا تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ «تسيفرلىق ءومىر سالتى – DigitEL» ۇلتتىق جوباسىنا «اۋىلدىق ەلدى مەكەندەردىڭ كورەرمەندەر اۋديتورياسىن مەديا ولشەمدەر جۇيەسىمەن قامتۋ ءۇشىن ولشەۋ پانەلىنىڭ بولۋى» كورسەتكىشىن جانە وعان سايكەس «اۋىلدىق ەلدى مەكەندەردىڭ كورەرمەندەر اۋديتورياسىن مەديا ولشەمدەر جۇيەسىمەن قامتۋدى قامتاماسىز ەتۋ بويىنشا جوبانى ىسكە اسىرۋ» ءىس-شاراسىن ەنگىزۋ ماسەلەسى پىسىقتالعانى ايتىلدى.

ونلاين-كونفەرەنتسيا تالقىلاۋ فورماتىندا بولىپ، قاتىسۋشىلار اراسىندا ءوزارا كاسىبي پىكىرتالاس ءوتتى. تەلەولشەمدەردىڭ قۇبىلمالىلىعى ماسەلەسى بويىنشا ەكاتەرينا كوچەۆا (31 ارنا) ءسوز سويلەپ، ءلاززات سۇيىندىك («حابار» اق) تەلەولشەۋلەر جۇيەسىن جەتىلدىرۋدىڭ ماڭىزدىلىعى تۋرالى ايتسا، ديلمۋراد راحيموۆ (International Media Service) مەديا-جارناما يندۋسترياسىنا قاتىسۋشىلاردىڭ ءوزارا ءىس-قيمىلىنىڭ وزەكتى ماسەلەلەرىن قوزعادى. ال تاتيانا ستارتسەۆايا (TNS Central Asia) تەلەولشەۋلەردى ۇيىمداستىرۋ مەن وتكىزۋدىڭ اعىمداعى تاسىلدەرى تۋرالى ايتىپ، اندرەي بويارينوۆ (MediaHills) «قازىرگى تاڭداعى تەلەولشەۋلەردى ۇيىمداستىرۋ جانە وتكىزۋ تاسىلدەرىنە» توقتالدى.

ءىس-شارانى قورىتىندىلاعان كەمەلبەك ويشىباەۆ كونفەرەنتسيانىڭ بارلىق قاتىسۋشىلارى ءبىر ناتيجەگە باعىتتالعانىن جانە تالقىلاۋ بويىنشا ەلىمىزدە مەديا ولشەۋ جۇيەسىنىڭ قالاي داميتىنىنا بەي-جاي قارامايتىنىن اتاپ ءوتتى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار