وزبەكستاندا پرەزيدەنت سايلاۋى بيىل 24 قازاندا وتەدى. جەرگىلىكتى زاڭدارعا سايكەس, پرەزيدەنت سايلاۋىنا تۇسەتىن كانديداتتاردى ساياسي پارتيالار ۇسىنۋى كەرەك.
ەكولوگيا پارتياسى ساياسي ۇيىمدار اراسىندا ءبىرىنشى بولىپ ءوز ۇمىتكەرىن ۇسىندى. سايلاۋالدى پلاتفورماسىنىڭ باستى باعىتتارى رەتىندە ەكولوگيالىق قاۋىپسىزدىكتى قامتاماسىز ەتۋگە باعىتتالعان مەملەكەت ساياساتىن جۇزەگە اسىرۋ, تابيعي رەسۋرستاردى ءتيىمدى پايدالانۋ, حالىققا قولايلى جاعداي جاساۋ, كليماتتىڭ وزگەرۋىنە بەيىمدەلۋ, ارال تەڭىزى اپاتىنىڭ سالدارىن جۇمسارتۋ سىندى ماسەلەلەر اتالدى.
