كوروناۆيرۋس • 05 تامىز، 2021

Ashyq جوباسىن پايدالانۋشىلار سانى ارتتى

19 رەت كورسەتىلدى

ەستەرىڭىزدە عوي، بىلتىر كوروناۆيرۋستىڭ بارىنا سەنبەي، سوڭى ەپيدەمياعا ۇلاسقان. ەندى ۆاكتسيناعا كۇمانمەن قاراپ ءجۇرمىز. نەسىن جاسىرامىز، بەتپەردە تاعۋدى، اراقاشىقتىق ساقتاۋدى قويدىق. سول ءۇشىن دە شىعار، شىعىستا ىندەت ءورشىپ، «قىزىل ايماققا» ەندىك. شەكتەۋ شارالارى دا كۇشەيتىلدى. 30 شىلدەدەن باستاپ وبلىستىڭ سانيتارلىق دارىگەرىنىڭ جاڭا قاۋلىسى كۇشىنە ەندى. وعان سايكەس شەكتەۋ شارالارى وڭىردە 3 تامىزدان 16 تامىزعا دەيىن ۇزارتىلدى.

سانيتارلىق-ەپيدە­ميالىق­ با­قى­لاۋ دەپارتامەنتىنىڭ باس­­شىسى قانات تۇرديەۆ بري­فينگ­­تە قاۋلىنىڭ ەرەجەلەرىن ءتۇ­سىندىردى. ول ەپيدەميالىق جاع­­دايدى باعالاۋ ماتريتساسى­نا سايكەس 24 شىلدەدەن باستاپ شىعىس قازاقستان وبلىسى «قى­زىل ايماقتا» ورنالاسقانىن اتاپ ءوتتى. پاندەميا باستالعاننان بەرى وبلىستا 33 مىڭنان اسا جاع­داي تىركەلدى. كوروناۆيرۋس ين­فەكتسياسىنىڭ ەڭ كوپ تارالۋى سەمەي، وسكەمەن قالالارىندا باي­­­قالعان. قازىرگى ۋاقىتتا اۋرۋ­­­دىڭ ءورشۋى جاڭا «دەلتا» شتا­مى­­نىڭ شىعۋىمەن، حا­لىق­تىڭ كارانتين شارالارىن ساقتاماۋىمەن بايلانىستى.

جاڭا قاۋلىعا سايكەس وبلىس­تىڭ قالالارى مەن اۋدان­دارىن­داعى قىزمەت كورسەتۋ نىساندارى ءوز قىزمەتىن «قىزىل ايماق» ءۇشىن كوزدەلگەن كريتەريلەر نەگىزىندە جۇزەگە اسىرا باستادى. ال وڭىردە Ashyq جوباسىن ىسكە اسىرۋ قازاقستاننىڭ باس مەملەكەتتىك سانيتارلىق دارىگەرىنىڭ 2021 جىلعى 29 شىلدەدەگى قاۋلىسىنا سايكەس جۇزەگە اسىرىلادى.

– وسى قاۋلىمەن Ashyq جوباسىنا قاتىساتىن نىساندار ءۇشىن بىرقاتار جەڭىلدىك ەنگىزىلدى. ولارعا دەمالىس جانە مەرەكە كۇندەرى جۇمىس ىستەۋگە رۇقسات ەتىلدى، – دەپ اتاپ ءوتتى ق.تۇرديەۆ.

اتاپ ايتقاندا، Ashyq جوباسىنا قاتىساتىن ازىق-ت ۇلىك ەمەس بازارلارعا سەنبى جانە جەكسەنبى كۇندەرى ساعات 10.00-دەن 17.00-گە دەيىن جۇمىس ىستەۋگە رۇقسات ەتىلگەن. جوباعا قاتىساتىن ساۋدا ۇيلەرىنە سەنبى جانە جەكسەنبى كۇندەرى ساعات 10.00-دەن 22.00-گە دەيىن شەكتەۋسىز جۇمىس ىستەۋگە رۇقسات.

بۇدان باسقا قوعامدىق تاماق­تا­نۋ وبەكتىلەرىنە، ونىڭ ىشىندە مەيرامحانالارعا، دامحانالارعا، كو­فە­حانالارعا، جازعى الاڭدارعا، بانكەت زالدارىنا ساعات 7.00-دەن 02.00-گە دەيىن 50%-دان اسپايتىن، بىراق 50-دەن اسپايتىن ورىنعا، جاپپاي وتباسىلىق، سالتاناتتى، ەستەلىك، سالتتىق جانە باسقا دا ءىس-شارالاردى وتكىزبەستەن جۇمىس ىستەۋگە رۇقسات ەتىلەدى.

– ۇيىم قىزمەتكەرلەرى ۆاكتسي­نا العان جاعدايدا ءوز قىز­مە­تىن قاشىقتان جانە وفلاين فورماتىندا جۇمىس ىستەيتىن قىز­مەت­كەر­لەر­دىڭ پايىزدىق اراقاتىناسى جونىندەگى تالاپتاردى ەسكەرمەي جۇزەگە اسىرا الادى. بۇل رەتتە سوڭعى 6 اي ىشىندە سovid-19-عا قارسى ۆاكتسينالاۋدىڭ تولىق كۋر­سىن العان قىزمەتكەرلەرگە ءداس­تۇرلى رەجىمدە جۇمىس ىستەۋگە رۇقسات ەتىلەدى، – دەپ اتاپ ءوتتى ق.تۇرديەۆ.

قاۋلىعا سايكەس قالاارالىق، وبلىسارالىق، وبلىسىشىلىك تۇ­راق­تى اۆتوبۋس، شاعىن اۆتوبۋس جانە وزگە دە جولاۋشىلار تاسى­مالدارىنىڭ قوزعالىسىنا رۇقسات ەتىلگەن. قالالار مەن ەلدى مە­كەندەر ىشىندەگى قوعامدىق كو­لىك دەمالىس جانە مەرەكە كۇن­دە­رىنەن باسقا بارلىق كۇندەرى جۇمىس ىستەيدى. بۇل كۇندەرى قو­عام­دىق كولىك تاڭعى ساعات 8.00-دەن 22.00-گا دەيىن، سونداي-اق تەحنولوگيالىق پروتسەستىڭ ۇزدىكسىز تسيكلى بار كاسىپورىنداردىڭ قىز­مەت­كەرلەرىن جەتكىزۋ ءۇشىن ساعات 18.00-دەن 20.00-گە دەيىن جۇمىس ىستەيدى.

«قىزىل ايماقتاعى» Ashyq جوباسىنا قاتىسۋشىلار «سارى ايماقتىڭ» شارتتارى بويىنشا جۇمىس ىستەي الادى. جالپى، شقو كاسىپكەرلەر پالاتاسىنىڭ ديرەكتورى قايرات مامىرباەۆتىڭ بەرگەن مالىمەتتەرىنە سۇيەنسەك، قازىر Ashyq جوباسىنا ەكى مىڭ­نان اسا نىسان قاتىسىپ وتىر. ولاردىڭ 1 330-دان استامى رەسمي تۇردە تىركەلگەن. 1 700-گە جۋىق كاسىپورىن جوبانى سىناق رەتىندە قاتىسىپ وتىر. ايتا كەتەرلىگى، قاتىسۋشىلاردى قوسۋدىڭ جاڭا الگوريتمىنە سايكەس QR-كودتى الۋ ءراسىمى جەڭىلدەتىلگەنىن اتاپ ءوتتى.

– ءوتىنىم بەرۋ ءۇشىن InfoKazakhstan.kz سايتىنا كى­رۋ قا­جەت. ول ءۇشىن ەلەكتروندى كىلتتى پايدالاناسىز. سول جەردەن «مەنىڭ وتىنىشتەرىم» ءبولىمىن اشىپ، ءوتىنىش بەرىڭىز. وسىدان كەيىن جۇمىسقا رۇقسات بەرەتىن قۇجاتتاردىڭ بولۋىن جانە ەن­گى­زىلگەن دەرەكتەردىڭ جا­ۋاپ­­كەر­شى­لىگىن راستاۋ قاجەت. ءوتى­نىم­دى جىبەرىپ، ماقۇلداعاننان كەيىن قا­جەتتى ماتەريالداردى جۇك­تەپ الۋ كەرەك، – دەپ ءتۇسىندىردى ق.مامىربەكوۆ.

شىعىستا كۇن سايىن جوباعا قاتىسۋشىلار سانى ارتىپ كەلەدى. قازىرگى ۋاقىتتا وتىنىمدەردىڭ باسىم بولىگى ساۋدا سۋبەكتىلەرىنەن كەلىپ تۇسەدى. سونداي-اق QR-كود­تى الۋعا مەملەكەتتىك مەكەمەلەر، مەكتەپكە دەيىنگى ءبىلىم وشاقتارى، ونەركاسىپ سالاسىنىڭ باسشىلارى ءوتىنىش بىلدىرگەن.

 

شىعىس قازاقستان وبلىسى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار