كوروناۆيرۋس • 04 تامىز، 2021

ۆاكتسينانىڭ ءۇشىنشى دوزاسىن سالۋ ماسەلەسى قاراستىرىلۋدا

7761 رەت كورسەتىلدى

دارىگەر قازاقستان حالقىنا كوروناۆيرۋستىڭ ءۇشىنشى كومپونەنتىن ەگۋگە قاتىستى ويىن ايتتى، دەپ حابارلايدى Egemen.kz Tengrinews.kz سايتىنا سىلتەمە جاساپ. 

جوعارى ساناتتى ينفەكتسيونيست دارىگەر، مەديتسينا عىلىمدارىنىڭ كانديداتى ساۋلە اتىعاەۆانىڭ سوزىنشە، بۇگىندە ءۇشىنشى كومپونەنتتى سالدىرۋعا قاتىستى ماسەلە كۇن تارتىبىندە تۇر. 

«دارىگەرلەر، ونىڭ ىشىندە، يممۋنولوگ، ۆيرۋسولوگتاردىڭ كوزقاراسى بويىنشا ۆاكتسينانىڭ ءۇشىنشى كومپونەنتىن سالدىرۋ قاجەت بولۋى مۇمكىن. جاس كاتەگورياسىنا قاراي ءار ءتۇرلى كەزەڭ كەرەك بولادى. رەۆاكتسيناتسيانىڭ قاجەت نە قاجەت ەمەس ەكەنى اعزاداعى انتيدەنە سانىنا قاراي انىقتالادى. سوندىقتان انتيدەنە سانى 1-دەن تومەن ادامدارعا رەۆاكتسيناتسيا كەرەك بولۋى مۇمكىن. بۇگىندە رەۆاكتسيناتسياعا قاتىستى ماسەلە قاراستىرىلىپ، تالقىلانىپ جاتىر. الداعى تاڭدا ونىڭ جاۋابىن الاتىن بولامىز»، دەدى دارىگەر وكق بريفينگىندە. 

ۆاكتسينانىڭ ءۇشىنشى دوزاسىن سالۋ تۋرالى ماسەلەنى Pfizer جانە BioNTech كومپانيالارى كوتەرگەن بولاتىن. بۇگىندە ۆاكتسينانىڭ ءۇشىنشى دوزاسىن سالدىرا باستاعان ەل دە بار. ول - يزرايل. ەلدە 60 جاستان اسقاندارعا Pfizer-ءدىڭ ءۇشىنشى دوزاسى سالىنىپ جاتىر. سونىمەن قاتار ءيزرايلدىڭ پرەمەر-ءمينيسترى نافتالي بەننەتت ەلدە كەيىنگى بەس ايدا ۆاكتسينانىڭ ەكى كومپونەنتىن العاندار 1 تامىزدان باستاپ ءۇشىنشى دوزانى سالدىرا الاتىنىن مالىمدەدى.  

سوڭعى جاڭالىقتار

ۇقساس جاڭالىقتار