وقيعا • 04 تامىز، 2021

اتىراۋدا مەكتەپكە «بومبا قويعان» كىم؟

389 رەت كورسەتىلدى

يندەر اۋدانىنىڭ ورتالىعى – يندەربور كەنتىنە كەلگەن قوناق جىگىت مەكتەپتىڭ بىرىنە «بومبا قويىپ» كەتىپتى، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا، كەشە، 3 تامىزدا 102 وپەراتورىنا وسىنداي حابار بەرىلگەن.

«پوليتسيا قىزمەتكەرلەرى جەدەل ىزدەستىرۋ ءىس-شاراسىن جۇرگىزىپ، كۇدىكتى ادامدى انىقتادى. يندەر اۋدانىنىڭ ورتالىعى – يندەربور كەنتىنە قوناققا كەلىپ، جالعان اقپارات بەرگەن باتىس قازاقستان وبلىسىنىڭ 1992 جىلى تۋعان تۇرعىنىن ۇستادى»، دەپ حابارلادى دەپارتامەنتتىڭ ءباسپاسوز قىزمەتى.

قازىر «بومبا» تۋرالى حابارلاعان كۇدىكتىگە قاتىستى قر قىلمىستىق كودەكسىنىڭ 273-بابىمەن تەرگەۋ باستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى.

سوڭعى جاڭالىقتار

ۇقساس جاڭالىقتار