وقيعا كەزىندە 6 ادام قازا تاۋىپ, تاعى بىرنەشە كىسى جاراقات العان.
«رەيتەر» اگەنتتىگىنىڭ حابارلاۋىنشا, قۇربان بولعانداردىڭ 3-ءۋى قىلمىسكەر, قالعانى بەيبىت تۇرعىندار. ۇكىمەت عيماراتى ورنالاسقان اۋداندا مينا ورناتىلعان كولىك جارىلعان. سودىرلاردىڭ كوزدەگەنى اۋعانستاننىڭ قورعانىس ءمينيسترىنىڭ ءۇيى بولعان سياقتى. بۇل ۋاقىتتا شەنەۋنىكتىڭ ءوزى شاڭىراعىندا بولماعان, وتباسى مۇشەلەرى مەن سول ماڭدا تۇراتىن ادامدار شۇعىل قاۋىپسىز جاققا كوشىرىلدى. قازىر شابۋىل جاسالعان اۋماقتاعى بارلىق جولدار جابىق. جارىلىستى ازىرگە ەشبىر ۇيىم ءوز موينىنا العان جوق.
ەستەرىڭىزگە سالا كەتەيىك, وتكەن ايدان بەرى «تاليبان» قوزعالىسى ەلدىڭ وڭتۇستىك جانە باتىس پروۆينتسيالارىنا تولاسسىز شابۋىل جاساپ جاتىر.
