قوعام • 04 تامىز، 2021

19 ميلليونىنشى بالا 20 ماۋسىمدا دۇنيەگە كەلگەن – ۇلتتىق ستاتيستيكا

24 رەت كورسەتىلدى

ۇلتتىق ستاتيستيكا بيۋروسىنىڭ دەرەكتەرىنە سايكەس 2021 جىلعى 20 ماۋسىمدا قازاقستان رەسپۋبليكاسىنىڭ 19 ميلليونىنشى تۇرعىنى دۇنيەگە كەلدى، دەپ حابارلايدى Egemen.kz.

جانيا ازاماتقىزى الماتى قالاسىندا تۋعان، وتباسىندا 4-ءشى بالا. تۋ تۋرالى اكتىسىنە سايكەس نارەستەنىڭ اتا-اناسى الماتى وبلىسى ىلە اۋدانى چاپاەۆو اۋىلىندا تۇرادى. اناسى - نازگۇل بالتابايقىزى كوبەنتاەۆا، 1986 جىلى تۋعان، اكەسى - ازامات ابىلعاپپار ۇلى نۇرعاليەۆ، 1982 جىلى تۋعان.

«19-شى ميلليون تۇرعىندى انىقتاۋ بارلىق دەموگرافيالىق وقيعالاردى: تابيعي قوزعالىس ءوسىمىن (بەلگىلى ءبىر كەزەڭدە ءتىرى تۋعاندار مەن قايتىس بولعاندار اراسىنداعى ايىرما) جانە حالىقتىڭ كوشى-قون ايىرىمىن (ەلىمىزدىڭ اۋماعىنا بەلگىلى ءبىر كەزەڭدە كەلگەندەر سانى جانە ونىڭ شەگىنەن تىس كەتكەندەر سانى اراسىنداعى ايىرما) ەسكەرىپ جۇرگىزىلدى. كانديداتۋرا جالپى رەسپۋبليكا بويىنشا تۇراتىن جەرىنە تاۋەلسىز انىقتالدى»، دەلىنگەن ۇلتتىق ستاتيستيكاسى بيۋروسىنىڭ حابارلاماسىندا.

جالپى، تاۋەلسىزدىك جىلدارى ىشىندە حالىق سانى 2 557،9 مىڭ ادامعا (15،5%) ءوسىپ، اعىمداعى جىلعى 1 شىلدەگە 19 009،6 مىڭ ادامدى قۇرادى.

ەسكە سالايىق، قازاقستان حالقىنىڭ سانى 19 ميلليون ادامعا جەتكەنى تۋرالى ءسۇيىنشى حاباردى مەملەكەت باسشىسى قاسىم-جومارت توقاەۆ جەتكىزگەن ەدى. 

سوڭعى جاڭالىقتار

ۇقساس جاڭالىقتار