الەم • 04 تامىز، 2021

گرەكيانىڭ رودوس ارالىنداعى ورمان ورتەندى

10 رەت كورسەتىلدى

ورمان ءورتى گرەكيانىڭ رودوس ارالىن شارپىدى، جەپ حابارلايدى Egemen.kz.

جەكسەنبى ساعات 12-دە پانتاناسسا اۋدانىندا پايدا بولعان ءورت بىرنەشە ساعات ىشىندە بىرنەشە شاقىرىمدى شارپىدى.

تابيعي اپاتتى جويۋمەن اينالىساتىن ءورت ءسوندىرۋ بريگادالارى پايدا بولعان جالىن وشاقتارىن وقشاۋلاۋعا تىرىستى.

گرەكيا اقپارات قۇرالدارىنىڭ مالىمەتىنشە، بيلىك وتقا جاقىن ورنالاسقان بىرنەشە ەلدى مەكەندى ەۆاكۋاتسيالاۋ تۋرالى شەشىم شىعاردى.

 قازىر ەرەكشە قورىق جانە ارالدىڭ تۋريستىك كورىكتى جەرلەرىنىڭ ءبىرى بولىپ سانالاتىن كوبەلەكتەر القابىنا باراتىن ءورت توقتاتىلدى.

الايدا ءورت ءسوندىرۋ ماماندارى تۇيەقۇس فەرماسىن ورتتەن قۇتقارا المادى. فەرما تۇگەل دەرلىك ورتەنىپ كەتتى، ال تۇيەقۇستاردى شۇعىل تۇردە ەۆاكۋاتسيالاۋعا تۋرا كەلدى.

ارالدىڭ ءارتۇرلى بولىگىندەگى قوناقۇيلەردە تۋريستەر جارىقتىڭ سونۋىنە جانە سۋدىڭ توقتاپ قالۋىنا شاعىمداندى.

جەرگىلىكتى كوممۋنالدىق قىزمەتكەرلەر اقاۋلاردى جويۋ ءۇشىن قولدان كەلگەننىڭ ءبارىن جاسادى جانە دۇيسەنبى كەشكە كوپتەگەن اۋداندا جاعداي قالىپقا كەلدى.

سوڭعى جاڭالىقتار

ۇقساس جاڭالىقتار