كينو • 04 تامىز، 2021

«بارىمتاشىلار» فرانتسيادا پروكاتقا شىقتى

37 رەت كورسەتىلدى

قازاق رەجيسسەرى ەرلان نۇرمۇحامبەتوۆ پەن جاپوندىق كينەماتوگراف ليزا تاكەبا بىرىگىپ تۇسىرگەن «بارىمتاشىلار. ۋاقىت جولدارى» ءفيلمى فرانتسيادا اۋپىرىمدەپ ءجۇرىپ، پروكاتقا شىقتى.

كينوتۋىندىنىڭ پروديۋسەرى يۋليا كيمنىڭ ايتۋىنشا، قازاق­ستان مەن جاپونيا بىرلەسىپ تۇ­سىرگەن كارتينا شىلدەنىڭ سو­ڭى­نان باستاپ فرانتسيانىڭ 21 قالاسىندا كورسەتىلمەك. ءفيلم­نىڭ ارنايى كورسەتىلىمى 29 شىلدە كۇنى پاريجدەگى Espace Saint Michel كينوتەاترىندا سا­ني­تارلىق تالاپتارعا سايكەس ءوتتى.

– وسى ءبىر جارىم جىلدا قانشاما تەر توگىلىپ، قانشاما جۇمىس اتقارىلدى. پاندەمياعا بايلانىستى فرانتسياداعى تۇ­ساۋكەسەر ءۇش مارتە كەيىنگە ىسىرىلدى. دەگەنمەن قيىندىقتارعا قاراماستان، ءۇمىتىمىز ۇزىلمەدى. ءفيلمنىڭ ءتۇسىرۋ توبى مەن اكتەرلەرىمىزدى وسى قۋانىشپەن قۇتتىقتايمىن، – دەپ جازدى پروديۋسەر ءوزىنىڭ Facebook-تەگى پاراقشاسىندا.

«قازاقفيلم» مەن جاپون­دىق Tokyo New Cinema كومپانياسى اتسالىسقان فيلمدە تىنىش ءومىرىنىڭ شىرقىن بۇزىپ، بارىمتاشىلار وتاعاسىن اياۋ­سىز ولتىرگەن وتباسى تۋرالى باياندالادى. مارقۇمنىڭ ول­جاس ەسىمدى 12 جاسار بالاسى، بارىمتاشىلاردىڭ قولىنان مەرت بولعان اكەسىنىڭ ولىمىنە قايعىرىپ، ز ۇلىمدىقپەن كۇ­رەسىپ، باستارىنا تۇسكەن تاۋ­قىمەتتى باۋىرلارىمەن بىرگە كو­تەرەدى. قورعانسىز قالعان ول­جاستىڭ وتباسىنا عايىپتان پايدا بولىپ، قولۇشىن سوزعان كىم؟ مۇنى ءوز كورەرمەندەرىمىز ىندەت باسىلىپ، كارتينا پروكاتقا شىق­­قاندا كورە الادى.

فيلمدە باستى رولدەردى كانن كينوفەستيۆالىنىڭ ۇزدىك اكتريساسى سامال ەسلياموۆا، تانىمال قازاقستاندىق اكتەر دۋلىعا اقمولدا مەن جاپوندىق اكتەر ميراي مورياما سومدايدى. اكەسىن جوعالتقان بالانىڭ ءرولىن ءمادي مينايداروۆ ەسىمدى جاس اكتەر وينايدى.

– جاپوندىقتارمەن بىرگە تۇسىرگەن فيلم الەم كينە­ما­تو­گرافىنىڭ وتانىندا كور­سە­تى­لە­تىنىنە قۋانىپ تا، قوبال­جىپ تا وتىرمىن. سەبەبى مە­­نىڭ شىعارماشىلىعىمدا بۇل – العاش­قى قۋانىشتى جا­ع­داي، – دەپ ويى­­ن ءبولىستى ءفيلم­نىڭ تەڭ رە­جيسسەرى ەرلان نۇر­مۇحامبەتوۆ.

ايتقانداي، «بارىمتاشىلار. ۋاقىت جولدارى» ءفيلمى ەڭ العاش 2019 جىلى ازياداعى ەڭ ءىرى كينوفەستيۆالداردىڭ ءبىرى – حالىقارالىق بۋسان كينو­فەس­تيۆالى شەڭبەرىندە كور­سە­­تىلگەن ەدى. قازاقستان مەن جا­­پونيا بىرلەسىپ تۇسىرگەن تۋىن­­دى وڭتۇستىك كورەيانىڭ ەڭ ۇلكەن ەكرانى – Busan Cinema Center ور­الىعىندا اتالعان فەس­تي­ۆال­دى اشقان بولاتىن.

بىلتىر اتالعان فيلم تو­كيوداعى حالىقارالىق كينوفەس­تيۆال شەڭبەرىندە كورسەتىلىپ، جاپونيادا پروكاتقا شىقتى.

اتالمىش كارتينا ەلىمىزدە بيىلعى جىلدىڭ سوڭىنا دەيىن پروكاتقا شىعادى دەپ جوسپارلانىپ وتىر.

 

الماتى

 

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار