مەگاپوليستە 241 بالا ەمدەلىپ جاتىر

كوروناۆيرۋستىڭ جاڭا ءتۇرىن جۇق­تىرعانداردا اۋرۋدىڭ سيمپتوم­دا­رى وزگەرگەن. ناۋقاستاردىڭ ءيىس، ءدام سەزبەۋگە دەگەن شاعىمدارى ازايىپ، اۋرۋدىڭ باسقا زالالدارىن باي­قاعاندار كوبەيدى. كوروناۆيرۋس جۇقتىرعاندار اراسىندا اسقازان-ىشەك كەسەلدەرى اسقىنعان.

«سوڭعى ەكى اپتاداعى جاس قۇرى­لى­مىن تالداۋ جاسوسپىرىمدەر اراسىندا كۆي تارالۋىنىڭ ۇلەسى 0،7%-عا، ال 40-59 جاستاعى ازاماتتار اراسىندا 0،8%-عا وسكەنىن كورسەتتى. نەگىزىنەن، كوروناۆيرۋس جۇقتىرۋ 20-40 جاس ارالىعىنداعى جاستاردىڭ – 37%، 40-59 جاستاعى ازاماتتاردىڭ – 25%، 60 جاستان اسقان ادامداردىڭ – 19% جانە 14 جاسقا دەيىنگى بالالاردىڭ 13% ۇلەسىندە كەزدەسەدى»، دەيدى سانيتارلىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.

ىندەت وشاقتارى نەمەسە قالا ما­ڭىنا قىدىرۋلار كەزىندە ينفەك­تسيا­لاردىڭ ءوسۋى – 2%، دەمالىس ساياباقتارى مەن جاياۋ جۇرگىنشىلەر كوشەلەرىندە – 1%، بانكتەردە، پوشتا بولىمشەلەرى مەن حالىققا قىزمەت كورسەتۋ ورتالىقتارىندا – 0،9%، ءدارى­حانالاردا – 0،9%، وتباسىلىق شارا­لارعا قاتىسقاندا – 0،7%، قوعام­دىق تاماقتانۋ ورىندارىندا – مەيرامحانالار، كافەلەر مەن تۇنگى كلۋبتاردا 0،2%-عا كوبەيدى.

الماتىدا تەك شىلدە ايىندا جۇقتىرعاندار سانى 25 500-دەن اسسا، جىل باسىنان بەرى ىندەتكە شال­دىققاندار 82 مىڭعا جەتتى.

ايتۋعا قيىن بولسا دا، قالا ەپي­دە­­ميو­­لوگتەرى تامىز ايىندا كۆي ينفەك­تسياسىن 34،5 مىڭ، ال قىر­كۇيەك­تە 4،5 مىڭداي ادام جۇقتىرادى دەگەن بولجام ايتىپ وتىر. ءبىر اپتا ىشىندە الماتىدا كۆي اۋرۋىن تىركەۋ 1،5 ەسەگە ءوستى – 6 397-دەن 9 852 جاعدايعا دەيىن، كۇندەلىكتى ءوسىم 1،7%-دى قۇ­را­دى. وتكەن اپتاعا قاراعاندا سيمپ­تومدى ناۋقاستار ۇلەسى 90%-دان 92%-عا ءوستى.

«بۇگىن ءبىز جاستار اراسىندا دەرت­تىڭ اسقىنعانىن جانە اسا اۋىر جاع­دايلاردى تىركەپ وتىرمىز. بۇل ۆي­رۋس­تىڭ جاڭا، جۇقپالى شتامدارىنا بايلانىستى. ينفەكتسيا تەز تارالادى جانە ءجيى اۋىر اسقىنۋعا اكەلەدى. ونىڭ تارالۋىن توقتاتۋدىڭ، تۇر­عىنداردىڭ دەنساۋلىعى مەن ءومى­رىن ساقتاپ قالۋدىڭ جالعىز جولى – كورو­ناۆيرۋسقا قارسى ۆاكتسينالاۋ»، دەيدى سەدب وكىلى.

مەگاپوليستىڭ وسىنداي جاعدايعا دۋشار بولۋىنا توي-تومالاعىن دوعار­ماي وتىرعان تۇرعىنداردىڭ وزدە­رى دە سەبەپشى، كاسىپكەرلەردىڭ دە «ۇلەسى» بار. ماسەلەن، الماتىدا Ashyq «كوشباسشىلارى» مەن «اۋت­سايدەرلەرىنىڭ» جاڭا ءتىزىمىن جاريا­لاۋ­عا ءماجبۇر.

الماتى قالالىق كاسىپكەرلەر پالا­تاسىنىڭ ديرەكتورى ايتۋار قوش­مامبەتوۆتىڭ ايتۋىنشا، بيزنەس قاۋىم­داستىعى ىندەتتى اۋىزدىقتاۋ ءۇشىن بارلىق مۇمكىندىكتى پايدالانادى دەسەك تە، كەيبىر كاسىپ­كەر­لەر كەلۋشىلەردى سكانەرلەۋدە جا­ۋاپ­سىزدىق تانىتادى. قازىردىڭ وزىندە 900-دەن اسا اۋتسايدەر بار.

دەگەنمەن Ashyq-پەن جۇمىس ىستەگىسى كەلەتىندەردىڭ سانى كۇن سا­­يىن ارتىپ وتىر. ەگەر ماۋسىمنىڭ باسىندا 1 700 قاتىسۋشى بولسا، بۇگىندە ولاردىڭ سانى 6 419-عا جەتكەن. ايتۋار قوشمامبەتوۆ الماتىدا جەكە كاسىپكەرلەردىڭ 37 پايىزدان استامى جوباعا قوسىلعانىن ايتتى. ادەتتە، قوعامدىق تاماقتانۋ مەن قوناقۇيلەردىڭ يەلەرى بارىنشا بەل­سەندىلىك تانىتۋدا. بۇل رەتتە جوباعا ەڭ كوپ قاتىسۋشىنى تىركەگەن قىزمەتتىڭ توپ-5 ءتۇرى انىقتالدى. بۇل – 22 242 قوعامدىق تاماقتانۋ وبەكتىسى، 1 117 بازار، سوو، ساۋدا ورتالىقتارى، 835 سۇلۋلىق سالونى، شاشتاراز، 491 بالالاردى ساۋىقتىرۋ ورتالىعى جانە يوگا ورتالىقتارىن قوسقاندا 426 فيتنەس-كلۋب.

«بيىلعى 30 شىلدەدە ءبىز اكىمدىكتىڭ سايتىنداعى تىزىمدەردى جاڭارتتىق، وندا جاۋاپ­سىز قاتىسۋشىلار دا، جوبا كوشباسشىلارى دا كورسەتىلگەن. Ashyq جوباسىندا بارلىعى 152 كوشباسشى بار. ءبىز بارلىق اقپاراتتى اپتا سايىن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنەن الامىز. ەگەر جوباعا قاتىسۋشىلار ءوز مىن­دەتتەمەلەرىن ورىنداماسا، ولار شى­عارىلادى جانە پرەفەرەنتسيالارمەن جۇمىس ىستەۋ مۇمكىندىگىنەن ايىرىلادى. ەكى اپتانىڭ ناتيجەسى بو­يىنشا ال­­ما­تىدان 61 قاتىسۋشى جوبادان شى­عا­رىلدى»، دەدى ا.قوش­مام­بەتوۆ.

ەپيدەميولوگتەردىڭ مالىمەتى بو­يىنشا، الماتىدا Ashyq سكانەر­لە­ۋىنىڭ ارقاسىندا ءوزىن ءوزى وقشاۋلاۋ رەجىمىن بۇزعان 170 ادام انىقتالدى. ولاردىڭ بارلىعى اكىمشىلىك جاۋاپ­كەر­شىلىككە تارتىلدى.

الماتى