«قازاقستاندا حالىقتىڭ تەك 29%-ى ەگىلدى. سالىستىرۋ ءۇشىن كانادا ازاماتتاردىڭ 72%, ۇلىبريتانيا-69%, يتاليا-64%, فرانتسيا-62%, گەرمانيا-61%, اقش-57%. ەكپىندى قارقىنمەن ۆاكتسيناتسيالاناتىن يسپاندىقتار تاڭ قالدىرادى - تاۋلىگىنە 500 مىڭ ادامنان, بارلىعى 68%. دامىعان الەم دەلتا شتامىنا قاراماستان ماسكالار مەن شەكتەۋلەردى الىپ تاستاي باستايدى. بۇل ەلدەردە كوروناۆيرۋستان بولاتىن ءولىم وقشاۋلانعان سيپاتقا يە بولا باستايدى», دەپ سالىستىردى راحىم وشاقباەۆ.
«تالاپ» قولدانبالى زەرتتەۋلەر ورتالىعىنىڭ ديرەكتورى ەلىمىزدەگى ەپيداحۋالعا بايلانىستى ءوز ويىن ءبىلدىردى.
«بىزدە ۆاكتسيناتسيا توقتاپ قالدى. مۇنىڭ ءبارى داعدارىستىڭ باسقا سالالارعا - ەكونوميكاعا, ساياساتقا, الەۋمەتتىك سالاعا تارالۋىنىڭ ودان ءارى تىزبەكتى رەاكتسياسىنا اكەلەدى. حالىق كەدەي بولادى, شوب كۇيرەيدى, ساياساتقا نارازىلىق ودان ءارى ارتا تۇسەدى. سوندىقتان مەن بارلىق ساۋ ادامدارعا بىرىگىپ, ۆاكتسيناتسيانى العا جىلجىتۋ ءۇشىن ازاماتتىق شتاب (جوبالىق كەڭسە) قۇرۋعا تىرىسامىن. ۇجىمدىق يممۋنيتەتكە قول جەتكىزۋ, شەكتەۋلەردى الىپ تاستاۋ جانە پاندەميادان ارىلۋ ءۇشىن ءبىز قارسى كورسەتىلىمدەرى جوق 5 ميلليون ەرەسەك وتانداستارىمىزدى ۆاكتسيناتسيالاۋ قاجەتتىلىگىنە سەندىرۋىمىز كەرەك. بارلىعىن بىرگە جيناپ, الداعى 3 ايعا جوسپار قۇرايىق», دەدى راحىم وشاقباەۆ.
