2021 جىلعى 3 تامىزدا جامبىل وبلىسى اكىمىنىڭ وكىمىمەن قايرات دوساەۆ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتىنەن بوساتىلدى.
ءوڭىر اكىمدىگىنىڭ ءباسپاسوز قىزمەتىنەن ءمالىم ەتكەندەي, ق. دوساەۆ 2019 جىلدىڭ 20 جەلتوقسانىندا جامبىل وبلىسى اكىمىنىڭ وكىمىمەن جامبىل وبلىسى اكىمدىگىنىڭ ەڭبەك ينسپەكتسياسى باسقارماسىنىڭ باسشىسى – باس مەملەكەتتىك ەڭبەك ينسپەكتورى قىزمەتىنە تاعايىندالعان بولاتىن.
ال 2021 جىلدىڭ 30 شىلدەسىندە ق. دوساەۆ 2019 جىلدىڭ 20 جەلتوقسانىنان باستاپ اتقارىپ وتىرعان جامبىل وبلىسى اكىمدىگىنىڭ ەڭبەك ينسپەكتسياسى باسقارماسىنىڭ باسشىسى – باس مەملەكەتتىك ەڭبەك ينسپەكتورى قىزمەتىنەن بوساتىلا وتىرىپ, جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ تەڭ دارەجەلى لاۋازىمىنا تاعايىندالدى.
بۇگىن قر پرەزيدەنتى قاسىم-جومارت توقاەۆ 2019 جىلى جۇمىسىندا ەداۋىر ولقىلىقتارعا جول بەرىپ, قىزمەتىنەن بوساتىلعان قايرات دوساەۆتى باسقارما باسشىسى ەتىپ تاعايىنداعانى ءۇشىن جامبىل وبلىسىنىڭ اكىمى بەردىبەك ساپارباەۆقا سوگىس جاريالاپ, كادرلىق قاتەلىكتى تۇزەۋدى تاپسىردى.
