ەكونوميكا • 03 تامىز، 2021

شاعىن جانە ورتا بيزنەستى قولداۋعا 400 ميللياردتان استام تەڭگە ءبولىندى

5006 رەت كورسەتىلدى

قازاقستان رەسپۋبليكاسىنىڭ پرەمەر-ءمينيسترى اسقار مامين شاعىن جانە ورتا بيزنەستى قولداۋعا قاتىستى بىرقاتار تاپسىرما بەردى، دەپ حابارلايدى Egemen.kz.

«شاعىن جانە ورتا بيزنەستى دامىتۋ - ەكونوميكانىڭ تۇراقتىلىعىن قامتاماسىز ەتۋدەگى ماڭىزدى فاكتورلاردىڭ ءبىرى. ءبىرىنشى جارتىجىلدىق قورىتىندىسى بويىنشا «قاراپايىم زاتتار» ەكونوميكالىق باعدارلاماسى اياسىندا 142 ميلليارد تەڭگەنىڭ 334 جوباسى قارجىلاندىرىلدى. اعىمداعى جىلدىڭ سوڭىنا دەيىن 424 ميلليارد تەڭگەنىڭ 724 جوباسىن قولداۋ جوسپارلانىپ وتىر»، دەدى اسقار مامين ۇكىمەت وتىرىسىندا.

ونىڭ ايتۋىنشا، اعىمداعى كەزەڭدە «بيزنەستىڭ جول كارتاسى -  2025» باعدارلاماسى بويىنشا جالپى سوماسى 492 ميلليارد تەڭگەگە 23 مىڭعا جۋىق جوبا قولداۋ تاپتى.

«اعىمداعى جىلدىڭ سوڭىنا دەيىن قۇنى شامامەن 1،2 ترلن تەڭگەنى قۇرايتىن 32 مىڭعا جۋىق جوباعا قولداۋ كورسەتىلەدى. وسى ەكى باعدارلاما اياسىندا 90 مىڭعا جۋىق جۇمىس ورنى اشىلادى. كاسىپكەرلىكتى قولداۋدىڭ ەڭ سۇرانىسقا يە باعىتتارى - ساۋدا، قىزمەت كورسەتۋ، ءوندىرىس، كولىك جانە قويمالاۋ، سونداي-اق قۇرىلىس»، دەدى پرەمەر-مينيستر.

بۇگىنگى كۇنى باعدارلامالار اياسىندا كاسىپكەرلەردى قولداۋعا باعىتتالعان 1 تەڭگە سۋبسيديا سالىق تۇرىندە التى ەسەدەن استام سومادا بيۋدجەتكە قايتارىلادى.

«ۇكىمەتتىڭ «اتامەكەنمەن» بىرگە قابىلداعان پاندەميا جاعدايىندا بيزنەستى قولداۋدىڭ داعدارىسقا قارسى شارالارى ءوزىنىڭ تيىمدىلىگىن كورسەتتى. وسى باعدارلامالار اياسىندا جوسپارلانعان شارالار جىل سوڭىنا دەيىن تولىق ورىندالۋى ءتيىس»، دەپ قورىتىندىلادى ۇكىمەت باسشىسى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار