ايماقتار • 03 تامىز، 2021

ينسپەكتورلارعا وق اتقان براكونەرلەر ۇستالدى

22 رەت كورسەتىلدى

قىزىلوردا وبلىسىندا «قىزىل كىتاپقا» ەنگەن جانۋاردى ءولتىرىپ، جاسىرىنۋعا تىرىسقان براكونەرلەر ۇستالدى، دەپ حابارلايدى Egemen.kz zakon.kz-كە سىلتەمە جاساپ.

براكونەرلىكتىڭ جولىن كەسۋ بويىنشا رەيدتىك ءىس-شارالار جۇرگىزۋ بارىسىندا «وحوتزووپروم» رمك قىزىلوردا وبلىسى بويىنشا فيليالىنىڭ ينسپەكتورلارى جالاعاش اۋدانىنان شاردارا اۋدانىنىڭ تۇرعىنىن ۇستادى. تەكسەرۋ كەزىندە ۇستالعان ادامنىڭ سومكەسىنەن «قىزىل كىتاپقا» ەنگىزىلگەن قاراقۇيرىقتىڭ ۇشاسى تابىلدى»، دەپ حابارلادى قر ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى.

كۇدىكتىلەر ۇستالعان جەرگە جەدەل-تەرگەۋ توبى شاقىرىلدى.

«ينسپەكتورلار پوليتسيا قىزمەتكەرلەرىن كۇتكەن كەزدە، وقيعا ورنىنا قىزىلوردانىڭ ەكى تۇرعىنى كەلىپ، ينسپەكتورلاردىڭ قىزمەتتىك اۆتوكولىكتەرىنىڭ ءبىرىنىڭ دوڭگەلەگىنە مىلتىقتان وق اتقان. ناتيجەسىندە، ينسپەكتورلارعا قاۋىپ توندىرگەن براكونەرلەردىڭ سىبايلاستارى جانۋاردىڭ ۇشاسىن الىپ قاشتى»، دەدى قر ەگترم ءباسپاسوز قىزمەتى.

پوليتسيا ينسپەكتورلارى مەن قۇقىق قورعاۋ ورگاندارىنىڭ قىزمەتكەرلەرى براكونەرلەردى ۇستادى.

اتالعان فاكتى قر قك 337-بابىنىڭ 4-تارماعى «زاڭسىز اڭ اۋلاۋ» جانە 380-بابىنىڭ 2-تارماعى «بيلىك وكىلىنە قاتىستى كۇش قولدانۋ» بويىنشا جالاعاش اۋداندىق پوليتسيا بولىمشەسىندە تىركەلگەن.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار