فوتو: Polisia.kz
«ۇستالعان ەر ادامنىڭ «مامىر» ىقشام اۋدانىنداعى پاتەرىن ءتىنتۋ كەزىندە ەرەكشە ءيىسى بار جاسىل ءتۇستى ۇنتاق زات سالىنعان 74 پوليەتيلەن پاكەتى تابىلىپ, تاركىلەندى. سوت حيميالىق ساراپتاماسى ۇنتاقتىڭ «گاشيش» ەسىرتكىسى ەكەنىن انىقتادى. سالماعى – 340,1 گر. كۇدىكتى ءوز كىناسىن مويىنداپ, ۋاقىتشا ۇستاۋ يزولياتورىنا قامالدى», دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
وسى دەرەك بويىنشا قر قك-ءنىڭ 297-بابىنا سايكەس سوتقا دەيىنگى تەرگەۋ ءجۇرىپ جاتىر. بۇل باپتا ءۇش جىلدان جەتى جىلعا دەيىن باس بوستاندىعىنان ايىرۋ جازاسى قاراستىرىلعان.
ۆەدومستۆو قارا نارىقتا گاشيشتىڭ باعاسى 5 گرامم ءۇشىن 3000 تەڭگەنى قۇرايتىنىن اتاپ ءوتتى. قازىرگى ۋاقىتتا تەرگەۋ, ونىڭ تاۋارلاردى قايدان جانە قالاي العانىن انىقتاپ جاتىر.
