ۇكىمەت • 03 تامىز، 2021

اسقار مامين اكىمدەر مەن دەنساۋلىق ساقتاۋ مينيسترىنە تاپسىرما بەردى

223 رەت كورسەتىلدى

قر پرەمەر-ءمينيسترى اسقار مامين وبلىس اكىمدەرى مەن قر دەنساۋلىق ساقتاۋ مينيسترلىگىنە ەلدەگى ەپيدەميولوگيالىق جاعدايدى جاقسارتۋ بويىنشا تاپسىرما بەردى، دەپ جازادى Egemen.kz.

«دەلتا شتامىنىڭ» تارالۋىنا بايلانىستى ايماقتارداعى ەپيدەميولوگيالىق جاعداي ناشارلادى. رەسپۋبليكادا اۋرۋشاڭدىق ايتارلىقتاي ءوستى. اۋرۋحانا توسەكتەرىنىڭ سىيىمدىلىعى 56%، رەانيماتسيادا - 44%»، دەدى ۇكىمەت باسشىسى.

اسقار مامين ۆاكتسيناتسيا بويىنشا جۇمىستى جالعاستىرۋدى تاپسىردى. بۇگىنگى تاڭدا ەلىمىزدە 5،5 ميلليون ادام - ۆاكتسينانىڭ ءبىرىنشى كومپونەنتىن، ال 4 ميلليون ادام ەكىنشىسىن الدى.

«ۆەدومستۆوارالىق كوميسسيا الدىن الۋ شارالارىن جۇرگىزۋدە، 2 تامىزدان باستاپ وڭىرلەردە كۇشەيتىلگەن كارانتيندىك شارالار كۇشىنە ەندى. بارلىق قابىلدانعان كارانتين شەكتەۋىنىڭ قاتاڭ ساقتالۋىن قامتاماسىز ەتۋ قاجەت. بۇگىن Ashyq جوباسى كاسىپكەرلەرگە كارانتيندىك شارالار جاعدايىندا جۇمىس ىستەۋگە مۇمكىندىك بەرەدى»، دەپ قوستى پرەمەر-مينيستر.

ول وبلىس اكىمدەرى مەن دەنساۋلىق ساقتاۋ مينيسترلىگىنە بارلىق اۋرۋحانا، باستاپقى ورتالىق، ءموبيلدى توپ، پتر زەرتحانالارىنىڭ ۇزدىكسىز جۇمىسىن قامتاماسىز ەتۋدى تاپسىردى.

سونداي-اق ىشكى ىستەر مينيسترلىگى مەن دەنساۋلىق ساقتاۋ مينيسترلىگىنە كارانتيندىك-سانيتارلىق نورمالاردىڭ بۇزىلۋىن باقىلاۋ جانە انىقتاۋ بولىگىندە باقىلاۋ توپتارىنىڭ جۇمىسىن كۇشەيتۋ تاپسىرىلدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار