بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا مالىمدەگەنى ايان.
ءا. قالىقوۆانىڭ ايتۋىنشا, شىلدەدە جۇقتىرعاندار سانى 25 500-دەن اسقان, جىل باسىنان بەرى الماتىدا 81 مىڭنان استام ادام كوروناۆيرۋس جۇقتىرعان. سوڭعى ءتورت كۇندە 6 266 جاعداي تىركەلدى.
الماتى ەپيدەميولوگتارى تامىز ايىندا كۆي ينفەكتسياسىن 34,5 مىڭ, قىركۇيەكتە –4,5 مىڭداي ادام جۇقتىرادى جاعدايعا دەگەن بولجام ايتىپ وتىر.
ء«بىر اپتا ىشىندە الماتىدا كۆي اۋرۋىن تىركەۋ 1,5 ەسەگە ءوستى – 6 397-دەن 9 852 جاعدايعا دەيىن, كۇندەلىكتى ءوسىم 1,7% قۇرادى. وتكەن اپتاعا قاراعاندا سيمپتومدى ناۋقاستار ۇلەسى 90%-دان 92%-عا ءوستى», دەدى اسەل قالىقوۆا.
سەبد باسشىسىنىڭ ورىنباسارىنىڭ ايتۋىنشا, ىندەتتىڭ ءورشۋىن توقتاتۋ ءۇشىن قالادا ۆاكتسينالاۋ قارقىنىن ارتتىرۋ قاجەت.
«بۇگىن ءبىز جاستار اراسىندا دەرتتىڭ اسقىنعانىن جانە اۋرۋدىڭ اۋىر ءتۇرىن تىركەۋدەمىز. بۇل ۆيرۋستىڭ جاڭا, جۇقپالى شتاممدارىنا بايلانىستى. ينفەكتسيا تەز تارالادى جانە ءجيى اۋىر اسقىنۋلارعا اكەلەدى. ونىڭ تارالۋىن توقتاتۋدىڭ, تۇرعىنداردىڭ دەنساۋلىعى مەن ءومىرىن ساقتاپ قالۋدىڭ جالعىز جولى – كوروناۆيرۋسقا قارسى ۆاكتسيناتسيا», دەپ جالعاستىردى ءسوزىن ءا. قالىقوۆا.
ەسكە سالساق, قالادا مەديتسينالىق ۇيىمداردا, مەكتەپتەردە, مادەنيەت جانە سپورت نىساندارىندا, بازارلاردا جانە قالانىڭ ساۋدا ويىن-ساۋىق ورتالىعىندا 167 ەكپە پۋنكتى بار. 1038 ادامنان تۇراتىن 234 ەكپە بريگاداسى جۇمىلدىرىلعان.
