ايماقتار • 02 تامىز، 2021

«دەلتا» شتامى جاستار اراسىندا كوپ تارالىپ جاتىر

28 رەت كورسەتىلدى

الماتىدا كوروناۆيرۋستىڭ «دەلتا» شتامى كوبىنە ەكپە سالدىرىپ ۇلگەرمەگەن جاستارعا جۇعىپ جاتىر، دەپ حابارلايدى Egemen.kz.

ۆيرۋس جۇقتىرعانداردىڭ 37%-ى 20-40 جاس ارالىعىنداعى الماتىلىقتار. بۇل دەرەكتەردى الماتى قالاسى سانيتارلىق-ەپيدەميولوگيالىق باقىلاۋ باسقارماسى باسشىسىنىڭ ورىنباسارى اسەل قالىقوۆا وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا مالىمدەدى.

ەپيدەميولوگتىڭ ايتۋىنشا، «دەلتا» نۇسقاسى كلاسسيكالىق ۋحان شتاممىنان ەكى ەسە  زالالدى. كوروناۆيرۋستىڭ جاڭا ءتۇرىن جۇقتىرعان ناۋقاستاردا اۋرۋدىڭ سيمپتومدارى وزگەرگەن. ادامداردىڭ ءيىس سەزبەۋگە شاعىمدارى ازايىپ، اۋرۋدىڭ باسقا ءبىر ەرەكشەلىگىن بايقاعاندار كوبەيدى. كوروناۆيرۋس جۇقتىرعاندار اراسىندا  اسقازان-ىشەك كەسەلدەرى اسقىنعان.

سونىمەن قاتار، COVID-19 «دەلتا» شتامى يممۋنيتەتى مىقتى، دەنى ساۋ جاستارعا دا جۇعادى. دەرت  اۋىر جانە بۇكىل دەنەگە ەكى ەسە تەز اسەر ەتەدى.

«سوڭعى ەكى اپتاداعى جاس قۇرىلىمىن تالداۋ جاسوسپىرىمدەر اراسىندا كۆي تارالۋىنىڭ ۇلەسى 0،7%-عا، ال 40-59 جاستاعى ازاماتتار اراسىندا – 0،8%-عا وسكەنىن كورسەتتى. نەگىزىنەن، كوروناۆيرۋس جۇقتىرۋ 20-40 جاس ارالىعىنداعى جاستاردا – 37%-دا، 40-59 جاستاعى ازاماتتاردا - 25%-دا، 60 جاستان اسقان ادامداردا – 19%-دا جانە 14 جاسقا دەيىنگى بالالاردا – 13%-دا كەزدەسەدى»، دەيدى ءا. قالىقوۆا.

سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى قولدا بار ۆاكتسينالار كوروناۆيرۋستىڭ جاڭا نۇسقالارىنان قورعانۋعا ىقپال ەتەتىنىن اتاپ ءوتتى.

اسەل قالىكوۆا قالا تۇرعىندارى كارانتيندىك تالاپتاردى بۇزۋدى جالعاستىرىپ جاتقانىن، توي ۇيىمداستىراتىنىن، جۇمىس ۋاقىتىنان تىس ىستەپ جاتقان ادام لىق تولى مەكەمەلەرگە باراتىنىن، وزدەرىن جانە جاقىندارىن ينفەكتسيا جۇقتىرۋعا ىقپال ەتەتىندەرىن ايتتى.

ىقتيمال جۇقتىرۋ ورىندارى بويىنشا قالا ماڭىنا ساياحات كەزىندە ينفەكتسيالاردىڭ ءوسۋى - 2%، دەمالىس ساياباقتارى مەن جاياۋ جۇرگىنشىلەر كوشەلەرىندە - 1%، بانكتەردە، پوشتا بولىمشەلەرى مەن حالىققا قىزمەت كورسەتۋ ورتالىقتارىندا - 0،9%، ءدارىحانالاردا - 0،9%-عا، وتباسىلىق شارالارعا قاتىسقاندا - 0،7%-عا، قوعامدىق تاماقتانۋ ورىندارىندا - مەيرامحانالار، كافەلەر مەن تۇنگى كلۋبتاردا - 0،2%-عا.

تاۋەكەل ايماعىندا ءالى دە «اشىق» يممۋنيتەتتى، ۆاكتسينالانباعان ادامدار بار، ال ولاردىڭ سانى الماتىدا ەكپە العاندارعا قاراعاندا كوپ. جالپى العاندا، ۆاكتسينالاۋ ناۋقانىنىڭ بارلىق كەزەڭىندە الماتى قالاسىنىڭ 725 575 تۇرعىنى ءبىرىنشى كومپونەنتتى سالدىردى. وتكەن تاۋلىكتە 4 971 ادام ەكپە الدى. ۆاكتسينالانعان ادامداردىڭ جالپى سانىنان 60 جاستان اسقاندار.

«كوروناۆيرۋسقا قارسى تيىمدى«ۇجىمدىق »يممۋنداۋ تۋرالى حالىقتىڭ 70%-دان كەم ەمەسى ۆاكتسينا العان كەزدە عانا ايتۋعا بولادى. مەن بارلىق قالا تۇرعىندارىن ۆاكتسينا الۋعا شاقىرامىن، ويتكەنى ەڭ ناشار جاعدايدا ءبىزدى ودان دا كوپ جۇقتىرعان ادامدار كۇتەدى. قازىردىڭ وزىندە دارىگەرلەر مەن مەديتسينا قىزمەتكەرلەرىنە ۇلكەن جۇكتەمە ءتۇسىپ وتىر»، دەيدى ءا. قالىقوۆا.

سانيتارلىق-ەپيدەميولوگيالىق ۆەدومستۆو باسشىسىنىڭ ورىنباسارى الماتىلىقتاردى ءۇندىستان، تايلاند، فيليپپين، ميانما، ۇلىبريتانيا، رەسەي ستسەناريلەرىن قايتالاماۋعا شاقىردى. الماتىدا كوروناۆيرۋس ينفەكتسياسىنىڭ 1 540 جاعدايى تىركەلدى، ونىڭ 1404-ءى سيمپتومدى. ينفەكتسيالىق ستاتسيونارلاردا 4 930 ادام بار، ونىڭ ىشىندە 240 بالا. بارلىعى 7045 ورىن دايىندالدى.

بۇگىندە ينتەنسيۆتى تەراپيا جانە رەانيماتسيا بولىمىندە 310 پاتسيەنت بار، 42 ادام ءوجج اپپاراتىنا قوسىلعان، 134 ادام ءينۆازيۆتى ەمەس ءوجج اپپاراتىندا، High flow اپپاراتىندا – 111 ناۋقاس. بۇگىندە 10 070 ناۋقاس ۇيلەرىندە امسك پەن تەلەمەديتسينا ورتالىعىنىڭ ءموبيلدى توپتارىنىڭ باقىلاۋىندا.

سوڭعى جاڭالىقتار

ۇقساس جاڭالىقتار